ლევან ვასაძემ 2021 წლის 16 მაისს გამართულ აქციაზე განაცხადა: "რაც შეიძლება მალე უნდა მოხდეს საქართველოში იმპორტის ჩანაცვლება. "ჩვენი თავი ჩვენადვე უნდა გვეყუდნოდეს." მნიშვნელოვანწილად, რამდენადაც კი ამას მოვახერხებთ, რითაც ვიკვებებით, რასაც ვჭამთ, დიდი ნაწილი ამ პროდუქციისა ჩვენს ქვეყანაში უნდა იწარმოებოდეს და მეტიც, საქართველოდან ექსპორტზეც უნდა გადიოდეს ჩვენი დოვლათის ასამაღლებლად და მაღალხარისხოვანი პროდუქტის წარმოებით ქვეყნის სახელის საზღვრებს გარეთ გასატანად. ამიტომ წერტილოვანი, რეალისტური, ჭკვიანურად გათვლილი, პროტექციონიზმი ადგილობრივი წარმოების ხელშესაწყობად სახელმწიფოს მხრიდან აუცილებელია და უარსაყოფია ეს ლიბერალური მიდგომა, მოდით, ყველა კარი გავაღოთ, ყველაფერს ბაზარი დაარეგულირებს და ჩვენ არ გვედარდება, თუ ამის შედეგად უამრავი ქართული საწარმო და ბიზნესი გაკოტრდებაო... ეს რა სისულელეა? ყველა ქვეყანა, რომელსაც უნდა ნამდვილი სუვერენიტეტი, ცივილიზებული პრაქტიკის ფარგლებში იცავს საკუთარ ბაზარს, თავის ბიზნესმენს, თავის მეწარმეს მრავალი იმ აპრობირებული მეთოდით, რომელიც შემუშავებული და გამოცდილია მსოფლიოს სხვადასხვა წარმატებულ, განვითარებულ ქვეყანაში."

ლევან ვასაძემ ასევე ისაუბრა ეკონომიკის და ერის დაცემის სხვა მიზეზებზეც და მოიყვანა რამდენიმე სტატისტიკური მონაცემი: "დამოუკიდებლობის მოპოვების დროს, 1991 წელს, საქართველოს მოსახლეობა იყო 5.5 მილიონ ადამიანამდე. დღეს კი საქართველოში 3.5 მილიონი ადამიანიღა ცხოვრობს. აქედან დიდი ნაწილი ხანში შესულია. 400 ათასი ადამიანი საქართველოში ნარკომანია და მხოლოდ 18 ათასი სპორტსმენი. ამავე ქვეყანას ჰყავს 700 ათასამდე ლუდომანი, ანუ აზარტულ თამაშებში აქტიურად ჩართული ადამიანი, რომლებიც ყოველწლიურად მილიარდობით დოლარს ხარჯავენ აზარტულ თამაშებში და წყალში ყრიან საქართველოს ისედაც გაღატაკებული ეკონომიკის უმნიშვნელოვანეს სახსრებს." ლევან ვასაძის პროგრამის მიხედვით აზარტული თამაშები და ნარკომანია ამ ქვეყანაში აუცილებლად უნდა აიკრძალოს. (იხ. ვიდეო).

2021 წლის 25 მაისს, პირველი არხის ეთერში, გადაცემაში "თავისუფალი ხედვა" ლევან ვასაძემ, საზოგადოებრივი მოძრაობის "ერთობა, რაობა, იმედის" - "ერი"-ის დამფუძნებელმა, კიდევ განავრცო თავისი ეკონომიკური ხედვა და განაცხადა: "საკონტროლო პაკეტი როგორც ნამახვანში, ასევე ყველა შემდგომში აშენებულ სტრატეგიულ ობიექტში უნდა ეკუთვნოდეს სახელმწიფოს და მათ შორის იმ სტრატეგიულ ობიექტებში, რომელიც უკვე გასხვისებულია უცხოურ კომპანიებზე, უნდა მოხდეს ამ წილის გამოსყიდვა სახელმწიფოს მხრიდან. მთავარია იყოს სახელმწიფოებრივი ნება და ხედვა და მერე ამ ყველაფრისთვის რესურსი მოინახება. ეს არის ეტაპობრივი პროგრამა, რომლის განსახორციელებლადაც ჩვენთან უკვე მუშაობს ჯგუფი სპეციალისტებისა, რომელიც ყველაფერს ითვლის ამასთან დაკავშირებით. ეს არის გრძელვადიანი გეგმა, რომლის განსახორციელებლადაც გამოყენებული იქნება ყველა ჩვენს ხელთ არსებული რესურსი, როგორებიცაა საპენსიო ფონდის რესურსები, ეროვნული ბანკის მიერ ფულადი ემისია სპეციალური პროექტებისათვის, საგარეო კრედიტები, მზარდი ეკონომიკის პირობებში დაგროვილი დოვლათი, თანაინვესტირების პროგრამები იმ ინვესტორებთან, რომლებსაც უნდათ შენი გარანტიების სანაცვლოდ წილში შემოვიდნენ და ასე შემდეგ. ამის განხორციელების საშუალებები მე თეორიულად კი არ მაქვს, შესწავლილი, არამედ პრაქტიკაში მაქვს გავლილი რამდენიმე ქვეყანაში და მრავალმილიარდიან პროექტებში. მე არ ვიტყვი რომ ეს მარტივი და ერთ დღეში გაკეთებადია, მაგრამ თუ არსებობს სახელმწიფოებრივი ნება და ხედვა და სწორი იდეოლოგია, მაშინ ეს ნამდვილად მიღწევადია. ის იდეოლოგია უნდა დავივიწყოთ, რომ მოდი ახლა ჩვენ გავყიდოთ გაუმჭვირვალე გარიგებებით ჩვენი ჰიდრორესურსები, ჰესები, წლების განმავლობაში, როგორც სააკაშვილ-ბენდუქიძესეულმა ეგრედ წოდებულმა რეფორმამ 27 ჰესი ძირითადად რუსებზე და კიდევ მე ვყოფილვარ თურმე ამის შემდეგ რუსეთის აგენტი... და დაურიგა, და ამ ხელისუფლებამაც გაარგრძელა იგივე გზა. და რისთვის? რომ გარიგებებში "ატკატები" იჩალიჩონ და ამ შემოსული ფულით პრემიები დაირიგონ და ქვეყანამ დაკარგოს დიდი შემოსავლები და ხალხს არაფერი დარჩეს? არა, ჩვენ უნდა მოვახდინოთ რესურსების სახელმწიფო შემოსავლებად აკუმულაცია. მე შემიძლია ამის უამრავი მაგალითი დაგისახელოთ ნორვეგიიდან დაწყებული ემირატებამდე, სადაც სახელმწიფოს ეკონომიკური ხერხემლის ფუნქციის ენერგეტიკული აქტივები ხელში უჭირავს, ვინაიდან ესმის ამ აქტივების სტრატეგიული მნიშვნელობა - ისინი ყოველთვის ფულს შემოუტანენ ბიუჯეტს, ისინი ყოველთვის გაამდიდრებენ ქვეყანას და ყოველთვის მისცემენ სახელმწიფოს ბერკეტს სხვა ბიზნესების წასახალისებლად. აი, მაგალითად გვინდა ჩავანაცვლოთ სახურავების და შიფერების იმპორტი საქართველოში და მიგვაჩნია, რომ ამა თუ იმ თიხის კარიერის საფუძველზე პერსპექტიულია განვავითაროთ იტალიური ტექნოლოგიებით ქართული კრამიტის წარმოება. როგორ უნდა განვავითაროთ ჩვენი ეს წარმოება, თუ არ დავიცავით ის კონკურენტული იაფი იმპორტისგან, რომელიც არ არის მთლად სამართლიანი კონკურენცია, ვინაიდან მას თავის ქვეყანაში სუბსიდიები აქვს ელექტროენერგიაზე. თუ არ მივეცით ამგვარ ქარხანას რაღაც შეღავათიანი ტარიფი, იმის სანაცვლოდ, რომ მან გეგმა შეასრულოს არა გოსპლანის სტილში, არამედ საბაზრო ეკონომიკის საუკეთესო პრაქტიკის სტილში, რომ აწარმოოს აღნიშნული სახურავი, ეს დარგი განავითაროს ქვეყანაში და მეტი ხალხი დაასაქმოს. ასეთი მიდგომით, სასათბურე მეურნეობები იქნება თუ სხვა ტიპის წარმოებები, მე თუ მინდა რომ მას წავეხმარო ელექტროენერგიის ტარიფით, ოღონდ მიზანმიმართულად, კორუფციის გარეშე, წამოვწიო ეკონომიკურად, მეტი ხალხი დასაქმდეს, მაშინ მე, როგორც სახელმწიფოს უნდა მეჭიროს ეს რესურსი ხელთ, რომ ვიცოდე სად დავუწიო ამ ტარიფს, რომ ეს წარმოება ფეხზე დადგეს და სად შევწყვიტო ამის კეთება და ვარეგულირო. როცა შენ ბოგანო ხარ, როცა არაფერი გაქვს, როცა შენ ქრთამების და გარიგებების არიგებ შენი ქვეყნის უმნიშვნელოვანეს რესურსებს, რომელსაც მილიარდების შემოტანა შეუძლია დამატებით სახელმწიფო ბიუჯეტში და საქართველოს ეკონომიკაში და არ იცი ვინ რა გაყიდა, ასე წლიდან წლამდე აღატაკებ საკუთარ ქვეყანას და ამიტომაა ეს მდგომარეობა საქართველოში, რა დღეშიც ვართ." (იხ. ვიდეო)

სტატიები

1) რა არის ბნელი მატერია?

2) რა არის ბნელი ენერგია?

3) რა წარმოქმნის მატერიას?

4) რა იყო დიდ აფეთქებამდე?

5) რა ხდება შავ ხვრელში?

6) მარტონი ვართ ჩვენს სამყაროში?

7) რატომაა გრავიტაცია ასე უცნაური?

8) რატომ ჩანს ისე, რომ დრო მხოლოდ ერთი მიმართულებით მიედინება?

9) სად გაქრა ანტიმატერია?

10) შეიძლება თუ არა ფიზიკის ერთიანი თეორიის პოვნა?

11) როგორი იქნება სამყაროს აღსასრული?

12) როგორია სამყაროს ზომა და ფორმა?

13) როგორ განვითარდა სიცოცხლე არაცოცხალი მატერიიდან?

14) საინტერესო ფაქტები დინოზავრების შესახებ

15) თანამედროვე ადამიანების ბოლო საერთო მამობრივი წინაპარი

16) ხელოვნური საშვილოსნო

17) ინდოეთი - მომავლის სუპერსახელმწიფო

18) თანამედოვე საქართველოს წვლილი დასავლურ მისიებში

19) ევროპის უცნაური სიკვდილი

20) აშშ-ს პრეზიდენტების წარმომავლობა

21) აშშ-ს 50 შტატი და მათი დედაქალაქები

22) უჯრედის ორგანელები

23) ქალაქური კულტურის გავრცელება მსოფლიოში

24) რკინის ხანა მსოფლიოში

25) დამწერლობის ისტორია

26) როგორ გამოიყურებოდნენ ძველი ეგვიპტელები?

27) აკადემიკოს გია კვაშილავას მიერ ამოკითხული წარწერები

28) მსოფლიოს მეცნიერთა შეფასებები აკადემიკოს გია კვაშილავას მიერ ფესტოსის დისკოს გაშიფრვის შესახებ

29) უჯრედების ტიპები ადამიანის ორგანიზმში

30) ფულის ისტორია

31) ცის დაპყრობა

32) რამდენი ადამიანი ცხოვრობდა დედამიწაზე?

33) ინდურ ტაძარში მილიარდობით დოლარის განძი აღმოაჩინეს

34) ფრიდონ ნიჟარაძე - გენიოსი სვანი მხატვარი

35) პირველი ძუძუმწოვრები - ჰარამიდები

36) სიმსუქნე წარმატებით მარცხდება გენური თერაპიით

37) მოხდა თუ არა დედამიწაზე დიდი კატასტროფა ძვ.წ. 11, 000 წლისთვის?

38) რელიგიის ისტორია

39) დედამიწას მომავალში კიდევ ერთი დიდი გადაშენება ელის

40) ისლამური ტერორისტული აქტები 2000 წლიდან 2021 წლამდე

41) სკვითები - ახალი კვლევის საინტერესო შედეგები

42) მერაბ ბერძენიშვილი - დიდი ქართველი მოქანდაკე

43) ადამიანის განვითარება საშვილოსნოში

44) ადამიანთა ქვერასები

45) კავკასოიდური რასის ფენოტიპები

46) მონღოლოიდური რასის ფენოტიპები

47) ნეგროიდული რასის ფენოტიპები

48) წყნაროკეანური რასის ფენოტიპები

49) კაპოდური რასის ფენოტიპები

50) ადამიანის 10 მნიშვნელოვანი შინაგანი ორგანო

51) ვინ და როდის ააგო პირამიდები?

52) მიკროსამყარო - რამდენად მცირეა ნანომეტრი?

53) ქვების სახესხვაობები

ავტორი: თორნიკე ფხალაძე