რომელი სამოსი ავირჩიოთ ზაფხულში ოფისში სასიარულოდ? ბრჭყვიალა კაბები, ჰაეროვანი ქვედაბოლოები და ღია მინი-კომბინეზონები ნაკლებად შეეფერება მკაცრ საოფისე დრეს-კოდს. თუმცა ვიწრო ფანქარ-ქვედაბოლოებს და მამაკაცურ კოსტუმებში სიარულიც აუცილებელი არ არის. შეგიძლიათ გადახედოთ „ცნობილების“ სტილს, მიბაძოთ მას და თავი კომფორტულად და მოდურად იგრძნობთ.

დამოკლებული შარვლები,

მირანდა კერის მსგავსი დამოკლებული შარვლები შესანიშნავად გამოდგება საქმიან შეხვედრებსა და ოფისში სამუშაოდ, ასევე ქალაქში
გასასეირნებლად. მკაცრი შარვალი შეგიძლიათ გაალამაზოთ თხელი ბლუზით და სექსუალური მაღალქუსლიანი ფეხსაცმლით.

60-იანების სტილში
ფუშფუშა კაბა 50-60-იანი წლების სტილში მხოლოდ
რომანტიკული შეხვედრებისთვის არ გამოგადგებათ, მას ოფისშიც მოირგებთ. ევა მენდესის მსგავსი რეტრო-სტილის შექმნაში დაგეხმარებათ მრგვალად ამოჭრილი მსუბუქი კარდიგანი და
დახურული ფეხსაცმელები. გაიკეთეთ ვარცხნილობა „მაღალი კუდი“ და ანსამბლი შეავსეთ მოდური მზის სათვალეებით და შესაფერისი ჩანთით.

А-სილუეტის კაბები, რომელიც მეტად პოპულარული იყო
70-იან წლებში უხდება ნებისმიერი ფიგურის მქონე გოგონებს. ალექსა ჩანგის მსგავსი კაბა კონტრასტული დეტალებით გაგახსენებთ შანელის საუკეთესო ქმნილებებს. და რა შეიძლება იყოს Chanel-ის კლასიკურ სამოსზე უფრო სექსუალური და მკაცრი?

დეკორი
ზაფხულში მეტი სიკაშკაშე და მბზინვარება გვჭირდება, თუმცა ზოგიერთი სამსახურის დრეს-კოდი ბიჟუტერიის სიუხვეს გამორიცხავს. ამიტომ შეგიძლიათ ზაფხულის კაბა მთავარ სამკაულად აქციოთ. მძივებით გაფორმებული მანჟეტები და საყელო, როგორც კეიტ მიდლტონს, ლაკონურ კაბაზე მოკრძალებულად და მომხიბვლელად გამოიყურება.

ნათელი ფერები

ნეიტრალური ელფერის ნაცვლად აირჩიეთ ხასხასა ფერის სამოსი. მინიმალისტური კაბა -კაშკაშა ვარდისფერი, იისფერ-ლურჯი ან ევა ლონგორიას მსგავსად სტაფილოსფერი შეარჩიეთ.

მინი
წელს კვლავ აქტუალურია სექსუალური მინი. ოფისში მინი-კაბის ჩაცმა ნებისმიერ მსურველს შეუძლია, თუმცა ის მკრთალი ფერის უნდა აირჩიოთ. ამასთან მინი-კაბისთვის მნიშვნელოვანია ჭრილის ფორმა. ზაფხულში უპირატესობა მიანიჭეთ დახურულ ან რაიმე დეტალით-მაგ. გადაკეცილი საყელოთი გაფორმებულ ვარიანტს,
მაგ. კირსტენ დანსტის მსგავსად.

ყვავილებიანი ნახატი
ჯენიფერ ენისტონი საკუთარი ვარსკვლავის გახსნის ცერემონიალზე დიდების ხეივანში მოკრძალებულ მიდი-კაბაში გამოცხადდა, რომელზეც თითქოს ამოქარგული იყო ყვავილები. მსგავსი სამოსი შეგიძლიათ მოირგოთ როგორც მოდურ წვეულებაზე, ასევე საქმიან შეხვედრაზეც.

კლასიკა
რაც უნდა ხასხასა ფერი გაბატონდეს მოდაში, საოფისე კლასიკას ვერავინ შეცვლის. ანჯელინა ჯოლის მსგავსი ნაცრისფერი კაბა-ფუტლიარი კვლავ აქტუალურად გამოიყურება. იერსახე დაასრულეთ ავიატორი-სათვალეებით, ღია ფერის ფეხსაცმლით და მოდური ჩანთით.

შორტები
გვინეტ პელტროუ შორტებით შორეულ 2010 წელს გამოჩნდა. მან შავი შორტები შეუთავსა ღია ფერის ბლუზას და შავი ფერის სანდლებს. მსგავსი სამოსი იდეალურია ოფისისთვის, ის ლაკონური და თავშეკავებულია, ამასთან 2012 წლის სეზონზე ძალიან
მოდურია. თუმცა საოფისედ ოდნავ გრძელი შორტი შეარჩიეთ.

.