ეს მოხდა 1986 წლის 5 სექტემბერს, პაკისტანში, ქალაქ კარაჩში. რადიკალური ისლამისტების ჯგუფმა ხელში ჩაიგდო ამერიკული ავიაკომპანიის - Pan American-ის თვითმფრინავი. რომ არა მამაცი სიუარდესა ნირჟდა ბხანოტი, ასობით ადამიანი დასაღუპავად განწირული იყო. თუმცა გოგონამ ყოველგვარი ყოყმანის გარეშე გაწირა საკუთარი სიცოცხლე სხვების გადასარჩენად.

ნირჯამ საშუალო სკოლა დაამთავრა და მუმბაიში სწავლობდა. გარკვეული დროით მოდელად მუშაობდა და ბევრი ცნობლი ბრენდის წარმომადგენელი იყო. 1985 წლის მარტში ნირჯა გარიგებით გაათხოვეს, მაგრამ ორი თვის შემდეგ სახლში დაბრუნებამ მოუწია, რადგან ქმარი მზითვით უკმაყოფილო დარჩა. წარუმატებელი ქორწინების შემდეგ ნირჯამ გადაწყვიტა, Pan American-ში სტიუარდესად დაეწყო მუშაობა.

ბხანოტი უფროსი ბორტგამცილებელი იყო რეისზე "PA 73". როცა მუმბაიდან აფრენილი თვითმფრინავი 05:00-ზე ჩაფრინდა პაკისტანის ქალაქ კარაჩიში, ოთხმა შეიარაღებულმა ტერორისტმა ხელში ჩაიგდო თვითმფრინავი, ეკიპაჟი და მგზავრები კი მძევლებად აიყვანა. ნირჯა მაშინვე გონს მოეგო: მან მოახერხა პილოტების გაფრთხილება, რის შედეგადაც მფრინავებმა შეძლეს სათადარიგო ლუქიდან გასვლა და თვითმფრინავის დატოვება.

თავიდან ტერორისტებმა დახოცეს ყველა, ვინც კი განაცხადა, რომ ამერიკელი იყო, შემდეგ მგზავრებს მოსთხოვეს, პასპოპრტები ჩაებარებინათ. ამგვარად განზრახული ჰქონდათ, დანარჩენი ამერიკის მოქალაქეებიც დაეხვრიტათ. მაგრამ მამაცმა სტიუარდესამ შეძლო პასპორტების დამალვა ნაგვის საცლელში. და, შესაბამისად, ისლამისტებმა აღარავინ მოკლეს, რადგან უბრალოდ ვერ შეძლეს ამერიკელების ამოცნობა.

პაკისტანის პოლიციის მხრიდან შეტევის მომენტში ნირჯამ ისარგებლა არეულობით და ყველა მგზავრის ევაკუირება მოახერხა. იგი არ შეუშინდა არც სროლას და არც აფეთქებებს. სანამ თავადაც დატოვებდა თვითმფრინავს, ახალგაზრდა სტიუარდესამ ერთ-ერთ სავარძელზე მჯდარი სამი ბავშვი შენიშნა, რომლებსაც გასვლის ეშონოდათ.

გოგონა დაბრუნდა, მაგრამ ტერორისტებმა ბავშვები შეამჩნიეს და ცეცხლი გაუსხნეს. ნირჯა პატარებს მთელი ტანით გადაეფარა და სასიკვდილოდ დაიჭრა. თუმცა სიკვდილამდე მაინც შეძლო ბავშვების თვითმფრინავიდან გაყვანა...

სხვათა შორის, ნირჯას მიერ გადარჩენილი სამი ბავშვიდან ერთ-ერთი პილოტი გამოვიდა...

ნირჯა ბხანოტი გამოვლენილი სიმამაცისთვის სიკვდილის შემდეგ დაჯილდოვდა ინდოეთის უმაღლესი ჯილდოთი - აშოკ ჩაკრას მედლით.

2016 წელს კი გამოვიდა მხატვრული ფილმი, სახელწოდებით "Neerja", რომელიც ნირჯა ბხანოტის გმირულ საქციელზე მოგვითხრობს.

ესეც ფილმის ოფიციალური ტრაილერი:

ასევე დაგაინტერესებთ:

1. "სტოკჰოლმის სინდრომი" - სკანდალური მძევლობის ამბავი, რომელმაც მსოფლიო შეძრა

2. იცით, ვინ არის სინამდვილეში გამოსახული თამარ მეფის ამ პორტრეტზე?

3. რა ითხოვა სიკვდილის წინ სესილია თაყაიშვილმა და რატომ მოხვდა Pink Floyd-ის კლიპში

4. რამ გამოიწვია კორეული დრამების არნახული პოპულარობა - 10 "დორამა" დამწყებთათვის

5. გახსოვთ ის? აი, როგორია "ეშმაკი ხუანის" ოჯახი დღეს...

6. ახალგაზრდა ექთნის ამ სიტყვებმა მსოფლიო მოიარა - აი, რას წერს იგი...
7. ავარიაში დაღუპული გოგონას სიტყვები, რომლებმაც მსოფლიო შეძრა