ცნობილი ქართველი მხატვრის, მოსე თოძის მიერ შესრულებულ თამარ მეფის პორტრეტს რეალურო პროტოტიპი ჰყავს. სტატიაში სწორედ ამ ქალბატონზე ვისაუბრებთ.

ამ მომხიბვლელ ქალბატონს ეკრანის მშვენებად მოიხსენიებდნენ. ჩვენთვის იგი ცნობილია ფილმებიდან "ჭრიჭინა "(პროფესორის მეუღლე), "დღე პირველი დღე უკანასკნელი " (დედა) და ა.შ. დაუვიწყარია ასევე ილიკო სუხიშვილთან ერთად მის მიერ უბადლოდ შესრულებული ცეკვა ფილმში "ქეთო და კოტე", სადაც მშვენიერ ქალბატონს პარტნიორობას თავად ილიკო სუხიშვილი უწევდა.

საქართველოს სახალხო არტისტი - ალექსანდრა თოიძე დაიბადა 1907 წელს, ცნობილი მხატვრის, მოსე თოიძისა და ალექსანდრა ნიკიტას ასულ სუდინას ოჯახში. 1924 წელს თბილისის ქალთა გიმნაზიის დამთავრების შემდეგ, სწავლა განაგრძო გ. პერინის საბალეტო სტუდიაში.

1929 წელს მიხეილ ჭიაურელის ატელიეში მოწყობილ გამოფენაზე წარმოდგენილი იყო ალექსანდრას ძმის, არანაკლებ ცნობილი მხატვრის, ირაკლი თოიძის მიერ შესრულებული, 17 წლის დის პორტრეტი.

ირ.თოიძის ალექსანდრა თოიძის (დის) პორტრეტი. 1924წ. ტ.ზ.

სწორედ ამ პორტრეტის ნახვის შემდეგ გადაწყვიტა რეჟისორმა ი. ჟელიაბუჟსკიმ ალექსანდრა მიეწვია მთავარ როლზე სვანური ლეგენდის მიხედვით გადაღებულ ფილმში დინა ძაძუ. ლეგენდის მიხედვით, ავხორც თავად დადეშქელიანს მოეწონება და მოიტაცებს ახალგაზრდა ქალს, რომელიც სინამდვილეში მისი უკანონო შვილია, თუმცა თავადმა ეს არ იცის. საბოლოოდ ქალი საკუთარი ხელით მოკლავს მამას.

ფილმს განსაკუთრებული წარმატება სწორედ ალექსანდრა თოიძის შესანიშნავმა შესრულებამ და, რაც მთავარია, მისმა უბადლო გარეგნობამ მოუტანა. როგორც მსახიობის ახლობლები იხსენებენ, დინა ძაძუ ბევრი ქვეყანის ეკრანებზე გამოვდა, რის შედეგადაც ქართველი მსახიობი ჰოლივუდში, ერთ-ერთ ფილმში მთავარ როლზე მიიწვიეს, თუმცა ალექსანდრამ წასვლა ფეხმძიმობის გამო ვერ შეძლო.

28 წლის მანძილზე მსახიობმა 40-მდე თეატრალური როლი განასახიერა, რომელთა შორის ალექსანდრა თოიძის შემოქმედებით მწვერვალად მიჩნეულია უ. შექსპირის ოტელოში განსახიერებული დეზდემონას როლი.

არანაკლებ დასამახსოვრებელი იყო მისი შემოქმედება ქართულ კინოშიც:"ქალაქში შესვლა აკრძალულია " (ირინა), "ჟუჟუნას მზითევი" (ჟუჟუნა), :მოგზაურობა არზრუმში" (ნინო ჭავჭავაძე), "გაყრა "(მარო), ჭრიჭინა (ნატო), "დღე პირველი დღე უკანასკნელი "(დედა) და სხვა.

აღსანიშნავია, რომ მოსე თოიძემ თამარ მეფის პორტრეტის შექმნისას მოდელად სწორედ ქალიშვილის სახე გამოიყენა.

ალექსანდრა თოიძე გარდაიცვალა 1985 წელს, დაკრძალულია მწერალთა და საზოგადო მოღვაწეთა დიდუბის პანთეონში.

ასევე დაგაინტერესებთ:

1. რა ითხოვა სიკვდილის წინ სესილია თაყაიშვილმა და რატომ მოხვდა Pink Floyd-ის კლიპში

2. რომელი ქართველია გამოსახული სალვადორ დალის ნახატზე - უცნობი პორტრეტის ისტორია

3. "დედასამშობლო გვიხმობს" - იცით ვინ არის სინამდვილეში გამოსახული ყველაზე ცნობილ საბჭოთა პალაკატზე?

4. რატომ მიათხოვეს თამარ მეფის უკანონო და ქართველთა მეფეზე შეყვარებულ უფლისწულს

5. ვინ უყვარდა თამარ მეფის ვაჟს და რომელი სექტის შეხედულებებს აღიარებდა ლაშა-გიორგი

6. ვინ იყო თამარ მეფის შვილიშვილი, რომელზეც ისლამურ სამყაროში ლეგენდებს თხზავდნენ...

7. რატომ დაინტერესდა თამარ მეფით მსოფლიოში ცნობილი ინტერნეტ-ჟურნალი და ჰილარი კლინტონი