კოალა ანუ ჩანთოსანი დათვი, ძუძუმწოვარი ცხოველების ჩანთოსნების რიგს განეკუთვნება. გარეგნულად დათვს ჰგავს (აქედანაა მისი სახელიც). მისი სხეულის სიგრძე 82 სმ (კუდი არ მოუჩანს), ხოლო მასა 16 კგ აღწევს. ფერად რუხია. გავრცელებულია ავსტრალიაში. ცხოვრობს ტყეში, ბინადრობს ხეზე. იკვებება ფოთლებით. მრავლდება სექტემბრიდან მაისამდე. მაკეობა 30 დღე-ღამე გრძელდება. შობს ერთ ნაშიერს, რომელიც ჩანთაში რჩება 6 თვემდე. მათი სიცოცხლის ხანგრძლივობა 13-დან 18 წლამდე არის. ასევე, აღსანიშნავია, რომ მამრობითი სქესის კოალები უფრო ცოტახანს ცხოვრობენ, ვიდრე
მდედრობითი სქესის. მის უწყინარ ხასიათს რა თქმა უნდა ადამიანები არ ითვალისწინებენ და მოდის ინდუსტრიაში, ისევე როგორც სხვა ცხოველების, ასევე წარმატებით იყენებენ მის ბეწვს. ამჟამად ჩანთოსან
დათვებზე ნადირობა მათი სიმცირის გამო აკრძალულია. ეს ერთ-ერთი იმ ცხოველთაგანია, რომელთა რიცხვიც შემცირებულია და გადაშენების
საფრთხის ქვეშ არიან.
ამ სტატიაში გთავაზობთ, კოალების ყველაზე სახალისო და
საყვარელ ფოტოების ნაკრებს, რომელიც ერთ-ერთ ამერიკულ საიტზე გამოქვეყნდა და ამ ცხოველის პოპულარობამაც არ დააყოვნა. მან დიდი მოწონება დაიმსახურა ინტერნეტსივრცეში. ამ ფოტოების ნახვის შემდეგ ამ პატარა ცხოველის მიმართ გულგრილი ნამდვილად არ დარჩებით.