პატარა ბიჭი, ტყუპისცალი, ოთხი წლის ჯეკ რობინსონი გემპშირის საგრაფოდან თავის ტვინის სიმსივნით გარდაიცვალა. ჯეკი რამდენიმე თვე საავადმყოფოში იწვა. თებერვალში კლინიკაში ის პატარას სურვილით მისმა საყვარელმა მომღერალმა ჰარი ბარლოუმ მოინახულა. ბიჭმა ასევე მიიღო ვიდეოჩანაწერი მსახიობ მეტ სმიტისგან, რომელიც აგრეთვე ძალიან მოსწონდა.

მშობლებმა პატარას სიმსივნის მოსაშორებლად ოპერაცია გაუკეთეს. ბავშვს გადარჩენის შანსი მხოლოდ ხუთი პროცენტი ჰქონდა.

ჯონის მშობლებს 47 წლის ტერენსს და 41 წლის მარის მის გარდა კიდევ ოთხი შვილი ჰყავთ. სამი უფროსი და და ერთი თავისი ტყუპისცალი ძმა. მისი ოჯახი ყველანაირად ცდილობდა მისთვის უკანასკნელი სურვილები აესრულებინა. ჯონის დედა მარი, ფოსტის მუშაკია. ის საკუთარ ვებგვერდზე ბავშვის მოსაგონრად ვიდეორგოლს აქვეყნებს: – "ჯეკის მოგზაურობა"-ს. მშობლები შეეცადნენ დარჩენილი თვეები ჯეკს მხიარულად გაეტარებინა. მიუხედავად იმისა, რომ ბავშვს დღეები დათვლილი ჰქონდა და მშობლებს ძალიან უჭირდათ ამის გადატანა, მის სახეს ღიმილი არ მოშორებია.

ჯეკი საავადმყოფოში იანვარში გადაიყვანეს, როცა მომატებული ძილიანობა აღენიშნებოდა. პატარას ხუთსაათიანი ოპერაციით სიმსივნის მხოლოდ 40 პროცენტის ამოკვეთა შეძლეს. ექვსდღიანი ლოდინის შემდეგ დაასკვნეს, რომ სიმსივნის დანარჩენი ნაწილი იზრდებოდა. მაშინვე დაიწყეს სხივური და ქიმიოთერაპია, მაგრამ ვერაფერი უშველეს. მისმა ახლობლებმა შეაგროვეს ფული, რომ სანამ ჯეკი ცოცხალი იქნებოდა, მისთვის სურვილები შეესრულებინათ. მართლაც მისი ცხოვრება ზღაპარს დაემსგავსა. მათ ბავშვის საოცარი სურვილიც აუსრულეს-ის სახანძრო მანქანით გაასეირნეს. ბიჭი საოცრად ბედნიერი იყო.