გუშინ დაკითხვაზე მისულმა ვერა ქობალიამ განაცხადა, რომ უკვე 5 თვის ორსულია. ისიც კი დასძინა რთული ორსულობა მაქვს და იმედია დაკითხვაზე ყოფნა დიდხანს არ მომიწევსო. კითხვა, რომელზეც მთელ საქართველოს აინტერესებს პასუხი, ვინ არის ბავშვის მამა, ისევ პასუხგაუცემელია. ვერა ქობალიას არ უთქვამს ვისგანაა ის ორსულად.

ბავშვის მამად ყველა არქიტექტორ დავით კურცხალიას მოიაზრებს.

დაახლოებით რვა თვის წინ პრესა აჭრელებული იყო, გაზეთები წერდნენ, ვერა ქობალიას რომანი აქვს არქიტექტორ დავით კურცხალიასთანო. ვერას და დავითს ერთმანეთი ზამთარში გაუცვნიათ, საერთო მეგობრების დახმარებით. მათ საზოგადოების თავშეყრის ადგილებშიც მოჰკრეს თვალი. დავით კურცხალია თან ახლდა მინისტრს რუსთავშიც, ავტოდრომის გახსნაზეც. მინისტრი და არქიტექტორი კომენტარს არ აკეთებდნენ, რომანის ქონას არც ადასტურებდნენ და არც უარყოფთდნენ. საინტერესოა ახლა რას იტყვის ყოფილი მინისტრი? მთელი საქართველო ელის კითხვაზე პასუხს, ყველას აინტერესებს ვისგანაა ვერა ქობალია ორსულად.

დავით კურცხალია დაქორწინებული არასდროს ყოფილა, ვერა კი უკვე იყო დაქორწინებული. ის საქართველოში ჩამოსვლის შემდეგ მალევე დაშორდა მეუღლეს. წელიწადნახევრის წინ კი ამბობდნენ, რომ ვერას რომანი მუსიკოს აჩიკო გულედანთანაც ჰქონდა. აჩიკომ კი ეს ფაქტი უარყო.

საინტერესოა, ვინ არის ვერა ქობალიას შვილის მამა?
იმედია ყოფილი მინისტრი სულ მალე მოისურვებს ამ კითხვაზე პასუხის გაცემას.