კოსტა-რიკელი მეთევზე ჩიტო ამ ნიანგს 20 წლის წინ წააწყდა, როცა ადგილობრივი ფერმერის მიერ მარცხენა თვალში იყო დაჭრილი. ჩიტომ მისი დახმარება გადაწყვიტა და სახლში წაიყვანა. 6 თვის განმავლობაში გულმოდგინედ უვლიდა, რათა მალე გამოეჯანმრთელებინა. აჭმევდა ქათამსა და თევზს, ღამით მასთან ერთად ეძინა და მისი თქმით, ცდილობდა ეჩვენებინა, რომ ყველა ადამიანი ცუდი არაა. სახელიც შეურჩია – პოჩო.
გამოკეთების შემდეგ ჩიტომ ნიანგი ახლომდებარე ტბაში გაუშვა, მაგრამ მისდა გასაოცრად პოჩო უკან ბრუნდებოდა ხოლმე. მალე განუყრელ მეგობრებად იქცნენ, რაც დაახლოებით 2 ათეული წელი გაგრძელდა. 2011 წლის ოქტომბერში 50-იოდე წლის პოჩო (ზომით 5.2 მ, წონით 445 კგ) მოკვდა. ჩიტო მის დასაფლავებაზე ცრემლებს ვერ იკავებდა