ქართველი პოლიტიკოსი ეკა ხერხეულიძე "ფეისბუქ" გვერდის მეშვეობით ეხმაურება საქართველოს მესამე პრეზიდენტის, მიხეილ სააკაშვილის ჯანმრთელობის მდგომარეობის ამსახველ კადრებს, რომელიც რამდენიმე დღის წინ სოციალურ ქსელში მედიამ გაავრცელა.
ეკა ხერხეულიძის თქმით, ეს ფოტოები არ ასახავს საქართველოს მესამე პრეზიდენტის ამჟამინდელ მდგომარეობას და ამბობს, რომ ეს ფოტოები ძველია.
"ნეტა, ისეთ მდგომარეობაში იყოს მიშა, როგორსაც ფოტოზე ვხედავთ. ადამიანი იმის ნახევარია"- განაცხადა მან.
გთავაზობთ სრულ "პოსტს":
"მაქსიმალურად თავშეკავებით ვიტყვი-
ფოტო, რომელიც გავრცელდა, არ ასახავს საქართველოს მესამე პრეზიდენტის ამჟამინდელ მდგომარეობას.
მეტი პასუხისმგებლობა მართებთ, როცა ადამიანის ბედი წყდება და საზოგადოების მაღალ ინტერესს ძველი ფოტოების ტირაჟირებით აკმაყოფილებენ.
ნეტა, ისეთ მდგომარეობაში იყოს მიშა, როგორსაც ფოტოზე ვხედავთ.
ადამიანი იმის ნახევარია.
იმედია, შეცდომაში შეყვანილი მედია დროულად დაადგენს ფოტოს გადაღების თარიღს.
განვმეორდები-ნეტა, ასე გამოიყურებოდეს დღეს მიშა."
