ჟურნალისტი ელისო კილაძე სოციალური ქსელის მეშვეობით ეხმაურება რამდენიმე დღის წინ მომხდარს.
მოგეხსენებათ, რამდენიმე დღის წინ "რუსული სამყაროს" მთავარი იდეოლოგისა და მემარჯვენე რადიკალი ფილოსოფოსის, ალექსანდრ დუგინის ქალიშვილი დარია დუგინა ავტომომბილის აფეთქებას ემსხვერპლა.
რუსეთში აფეთქებას განზრაც ჩადენილს უწოდებენ და ამ ყოველივეს არც მეტი, არც ნაკლები უკრაინას აბრალებენ.
რაც შეეხება ელისო კილაძის განცხადებებს ამ ფაქტთან დაკავშირებით, გთავაზობთ მათ:
"ფსბ-მ დარია დუგინას მკვლელობა ცხელ კვალზე გახსნა და ცხადია, უკრაინული კვალი აღმოაჩინა.
მკვლელობაში ბრალი 32 წლის ნატალია ვოვკს დასდეს.
ჩავიდა ფესტივალზე, ააფეთქა, წავიდა.
და ფსბ-ს ეძინა?"
"რუსეთში პარტიზანული დაჯგუფება-რესპუბლიკური არმია გამოჩნდა.
დარია დუგინას მკვლელობაზე პასუხისმგებლობა მათ აიღეს და პუტინის (და არა მხოლოდ)განადგურება დაანონსეს.
დაეწყოთ კრემლში უძილო ღამეები."
"ასაფეთქებელი მოწყობილობა დუგინის ავტომობილში მძღოლის მხარეს იყო დამონტაჟებული.
მანქანაში თავად ალექსანდრე დუგინიც უნდა მჯდარიყო.
რუსები ტერაქტს შეკვეთილი მკვლელობის კვალიფიკაციას აძლევენ!
პრობლემა კი იმაშია, რომ ავტომანქანა დაცულ ავტოსადგომზე იდგა.
ფესტივალის უსაფრთხოებას კი ფსბ იცავდა!"
"კაცმა არ იცის რა ჯობდა დუგინისთვის-ბოლო წამს იმავე ავტომანქანაში ჩამჯდარიყო და შვილთან ერთად დაღუპულიყო, თუ დღევანდელი დღის გათენება, როცა შვილი მკვდარი ყავს და მას ტერაქტი მამის "მოღვაწეობის" გამო(ც) მოუწყვეს.
დიდად არ მგონია რომ დუგინის რაშისტულ ცნობიერებაში რამე შეიცვლება !"
ასევე გთავაზობთ ქალის ფოტოს, რომელმაც სავარაუდოდ, დარია დუგინას მკვლელობა დაგეგმა.
ამ ფოტოს რუსული მედია აქვეყნებს.
