"მძიმე დღე გვაქვს, დაგვეღუპა კიდევ ერთი ქართველი და მეორე დაიჭრა" - ნახეთ, რა სამწუხარო ინფორმაციას ავრცელებს ვანო ნადირაძე
რუსეთ-უკრაინის ომში მებრძოლი ვანო ნადირაძე სოციალურ ქსელში სამწუხარო ინფორმაციას ავრცელებს. მისი ცნობით, რუბეჟნოეში, გაწმენდითი სამუშაოების დროს რუსი ოკუპანტების მხრიდან თავდასხმა მოხდა.
იგი კიდევ ერთი ქართველი მებრძოლის, არკადი კასრაძის დაღუპვის შესახებ იტყობინება და ასევე აღნიშნავს, რომ მძიმედაა დაჭრილი ზურა მუშუქია.
“ქართველ პარტიზანებს და ჩვენს საძმოს მძიმე დღე გვაქვს, დაგვეღუპა არკადი კასრაძე და მძიმედ დაგვეჭრა ზურა მუშუქია, რუბეჟნოიში გაწმენდის დროს, არკადამ ორის დაგდება მოასწრო, მაგრამ…..დიდება გმირებს, ” – წერს ვანო ნადირაძე.
შეგახსენებთ, უკრაინაში უკვე 7 ქართველი მებრძოლია დაღუპული.
