"რაღაც ეშმაკი ჩამისახლდა და ჩემი თავი ვერ გავაჩერე"- - ავ­სტრა­ლი­ის მო­ქა­ლა­ქის, შა­ნაი ბრუ­კის და­მამ­ძი­მე­ბელ გა­რე­მო­ე­ბებ­ში გან­ზრახ მკვლე­ლო­ბა­ში ბრალ­დე­ბულ­მა რა­ფა­ელ მურ­სა­კუ­ლოვ­მა საზარელი დანაშაული აღიარა.

მან ბო­დი­ში მოიხადა და იტირა კიდეც: "მომისაჯეთ რისი ღირსიც ვარ" - მიმართა განსასჯელის სკამზე მყოფმა მურ­სა­კუ­ლოვ­მა მოსამართლეს.

"მე ბოდიშს ვიხდი, რაც არ უნდა გა­მო­ი­ტა­ნოთ გა­ნა­ჩე­ნი, ხმას არ ამო­ვი­ღებ, არ გა­ვა­სა­ჩივ­რებ, ბო­ლომ­დე დავ­დგე­ბი, ბო­დი­ში, ეს არ იყო და­გეგ­მი­ლი, ასე მოხ­და, გულ­წრფე­ლად ბო­დიშს ვიხ­დი, არ ვიცი რა მოხ­და, რო­გორ მოხ­და, ყვე­ლას ბო­დიშს გიხ­დით"- თქვა ბრალდებულმა.

ავსტრალიელი პედაგოგი, შანაი ბრუკი 30 ივლისს, მთაწმინდის პარკის მიმდებარე ტერიტორიაზე გაუჩინარდა. ახალგაზრდა ქალის ცხედარი 31 ივლისს იპოვეს. მალევე გაირკვა, რომ ცხედარს ძალადობის კვალი აღენიშნებოდა.

შეგახსენებთ, რომ: „ბრალდებული ყაჩაღურად, პირადი ნივთების დაუფლების მიზნით თავს დაესხა შანაი ბრუკი ედუარდს. მსხვერპლის მიერ გაწეული წინააღმდეგობის გამო, ბრალდებულმა, ყაჩაღობის გაადვილების და შემდგომში მისი დაფარვის მიზნით, ანგარების მოტივით, მისი მოკვლა გადაწყვიტა. ბრალდებულმა შანაი ბრუკს დანით კისრის არეში მიაყენა დაზიანება და გაგუდა. ამის შემდეგ იგი მსხვერპლის პირად ნივთებს დაეუფლა და დანაშაულის კვალის დაფარვა სცადა, ცხედარს ხის ტოტები დააფარა, დანაშაულის იარაღი - დანა მიმდებარე ტერიტორიაზე გადააგდო და ადგილიდან მიიმალა"