რეპერი ბერა ივანიშვილი რომ მთელი საქართველოს ყურადღების ცენტრშია, ამას ბევრი მტკიცება არ სჭირდება. 20 წლის გვანცა ბაგრატიონი ერთ-ერთ მიტინგზე სახალხოდ გამოთქვამდა ბერასთან შეხვედრის სურვილს, მაგრამ თურმე ადრეც იცნობდა და უფრო მეტიც, წყვილს ერთად რომანტიკულ გარემოში სანთლების შუქზეც უვახშმია.

გვანცამ ინტერნეტში ფოტოშოპით გაკეთებული სურათები "ატვირთა", სადაც ის და ბერა ჩახუტებული არიან. სურათის გამო ბევრი ლანძღვა და კრიტიკა მიიღო. არ მალავს, რომ ბერაზე შეყვარებულია(ბერა ისეთია, განა შეიძლება ვისმეს არ უყვარდესო?!), მაგრამ მალავს პირველი შეხვედრის ამბებს. ამბობს, რომ მათ მუსიკა აერთიანებთ და ბერა უნიჭიერესია.

გვარი "ბაგრატიონი" გვანცას ფსევდონიმია და ქართველების სიყვარულის გამო აურჩევია. ისე კი, რას გაიგებ, ჭორაობენ სომეხიაო, თვითონ კი ამბობს, რომ ქართველია და რუსი ბებია ჰყავს.

გვანცა ამტკიცებს, რომ ბერასთან რომანტიკული ვახშამი ჰქონდა წითელი სანთლების შუქზე.

წყარო: ჟურნალი "გზა".