სისხლის შედედება – ჩვენი ორგანიზმის ერთ-ერთი უმნიშვნელოვანესი ფუნქციაა. ყოველთვის, როდესაც ხელი გეჭრებათ, ხდება სისხლის კოაგულაცია და წარმოქმნილი თრომბი ჭრილობას საიმედოდ "ბეჭდავს" და გიცავთ სისხლის დაკარგვისგან.

თუმცა, სისხლძარღვებში არსებული თრომბები, შესაძლოა ჯანმრთელობის ან სისცოცხლის ფასად დაუჯდეს ადამიანს! ამიტომაც არის აუცილებელი თრომბოზის პირველი სიმპტომების ამოცნობა და ადეკვატური ზომების მიღება შემდგომი გართულებების თავიდან ასაცილებლად.

1. კიდურების შეშუპება

შეშუპება შესაძლოა იმის მაუწყებელი იყოს, რომ სისიხლის ნაკადი ძლიერაა შესუსტებული რომელიმე ვენის ბლოკირების გამო – კიდური კი ამ დროს ჟანგბადის ნაკლებობას განიცდის და სივდება.

თუ თქვენ გტკივათ ხელი ან ფეხი და გრძნობთ, რომ ტკივილის კერა არის ყრუ და ამავდროულად გახურებული, ეს შესაძლოა მიანიშნებდეს თრომბზე.

სისხლნაჟღენთები ვითარდება სისხლძარღვზე მექანიკური ზემოქმედებით და სრულიად უსაფრთხოა. რასაც ვერ ვიტყვით კანზე წარმოქმნილ წითელ ხაზებზე, რომელიც ვენებს მიუყვება. თუ მსგავს რამეს შეამჩნევთ, დაუყოვნებლივ ექიმს მიმართეთ!

თუ მწვავე ტკივილს განიცდით ყოველთვის, როდესაც ღრმად ჩასუნთქვას შეეცდებით, მნიშვნელოვანია ამ სიმპტომს ყურადღებით მოეკიდოთ. ეს შესაძლოა ფილტვებში თრომბის არსებობას გაუწყებდეთ. ზოგჯერ მას ინსულტის სიმპტომებში ურევენ, მაგრამ სჯობს ამ ვითარებაში განსაკუთრებული სიფხიზლე გამოიჩინოთ. საქმე იმაში მდგომარეობს, რომ თრომბმა შესაძლოა ფილტვის ემბოლია გამოიწვიოს, რომელიც როგორც წესი, ლეტალური შედეგით მთავრდება.

კიდევ ერთი შემთხვევა, როდესაჩ გიჭირთ ნორმალურად ამოსუნთქვა – ასევე მეტყველებს ფილტვებში თრომბის არსებობის შესაძლებლობაზე. ჩვეულებრივ, მსგავს სიმპტომს თან ახლავს თავბრუსხვევა, მომატებული არტერიული წნევა და გულმკერდის არეში პულსაციის შეგრძნება.

რა თქმა უნდა, ნებისმიერ ხველას სახიფათოდ ვერ მივიჩნევთ. მაგრამ თუ გაციებული არ ხართ, არც ალერგია გაქვთ და საერთოდ არაფერი გჭირთ, ამ შემთხვევაში ხველის შეტევებს ყურადღებით მოეკიდეთ.

აუცილებელია გავაცნობიეროთ თუ რამდენად სერიოზული დაავადებაა თრომბოზი და რამდენი ადამიანის სიცოცხლე შეიწირა. ამიტომ იყავით ყურადღებით – მსგავსი სიმპტომების შემთხვევაში არ გამოიჩინოთ გულგრილობა საკუთარი ან ახლობელი ადამიანის ჯანმრთელობის მიმართ – დროულად მიიღეთ ზომები სავალალო შედეგების თავიდან ასაცილებლად!