თავის ტვინის სისხლძარღვების გაწმენდა ძალიან საჭირო პროცედურაა, რომელსაც შეუძლია მნიშვნელოვნად გააუმჯობესოს თქვენი მდგომარეობა მთელი რიგი დაავადებების დროს – კისრის ოსტეოქონდროზიდან დაწყებული ათეროსკლეროზით დამთავრებული. სისხლძარღვების რეგულარული გაწმენდა გაგათავისუფლებთ ისეთ ჩივილებისგან, როგორიცაა თავის ტკივილები და სიმძიმის შეგრძნება თავში. ამასთან, პოზიტიურად იმოქმედებს მეხსიერებასა და თქვენს გუნება-განწყობილებაზე. სტატიაში წარმოგიდგენთ თავის ტვინის სისხლძარღვების გაწმენდის 5 ძალიან ეფექტურ და გამოცდილ რეცეპტს.

ხუთი კაკალის ლებანი დაფქვით და კარგად შეურიეთ 1 ს/კ ცაცხვის თაფლს, დაუმატეთ თითო მწიკვი დარიჩინი და კოჭა, ისევ აურიეთ და მოათავსეთ მაცივარში ერთი დღე ღამის განმავლობაში. ეს სამკურნალო ნაზავი დღეში 3-ჯერ უნდა მიიღოთ 1 ს/კ ჭამამდე ნახევარი საათით ადრე.

1/3 ჭიქა ხახვის წვენი შეურიეთ ერთ ჭიქა ნატურალურ თაფლს. მიიღეთ სამკურნალო ნაზავი დღეში 3-ჯერ 1 ჩ/კ საკვების მიღებამდე ნახევარი საათით ადრე. ის არა მარტო ეფექტურად წმენდს სისხლძარღვებს, ასევე აძლიერებს იმუნიტეტს.

მიიღეთ ერთი ჭიქა ბროწეულის წვენი ყოველდღიურად სადილამდე და ვახშმამდე ნახევარი საათით ადრე. შეგიძლიათ ასევე მონაცვლეობით მიირთვათ ვაშლისა და სტაფილოს წვენები. მაღაზიაში ყიდვას გირჩევთ თავად გამოწუროთ, ამ შემთხვევაში 100% იქნებით დარწმუნებული, რომ ნამდვილად ნატურალურ პროდუქტს იღებთ. ამასთან, მხედველობაში მიიღეთ ის ფაქტი, რომ ახლადგამოწურული წვენი ვიტამინებსა და სამკურნალო თვისებებს მხოლოდ 7 წუთის მანძილზე ინარჩუნებს.

თერმოსში ჩაყარეთ 10 გრ. ოროვანდის ხმელი ფესვები და დაასხით მდუღარე წყალი. გააჩერეთ 8-10 საათი, გადაწურეთ და დადგით გრილ ადგილას. მიიღეთ 4 ს/კ სამკურნალო ნაყენი საუზმემდე ნახევარი საათით ადრე. მკურნალობის კურსი მოიცავს ერთ თვეს.

ორგანიზმის სრული გაჯანსაღებისა და სისხლძარღვების გაწმენდისთვის ყოველდღე საუზმემდე ნახევარი საათით ადრე უნდა მიირთვათ ერთი მანდარინი, ერთი მუჭა ქიშმიში და ნიგოზი, 15 – 20 წუთის მერე მიიღეთ ერთი ჭიქა წყალი 1 ჩ/კ თაფლთან და ერთ ნაჭერ ლიმონთან ერთად. 10 - 15 წუთის გასვლის შემდეგ კი შეგიძლიათ საუზმეს შეუდგეთ.