ბევრი დიასახლისისთვის ცნობილია ისეთი პრობლემა, როგორიც არის თეთრი ფარდების მიერ ფერის დაკარგვა. დიახ, გაქვთ ახალთახალი, ქათქათა, ჰაეროვანი ტულის ფარდა, მაგრამ გარეცხავთ და... ვეღარ იცნობთ! მაინც საიდან ჩნდება ეს სიყვითლე, უსიამოვნო ჭუჭყისფერი?

გული არ გაიტეხოთ, არსებობს ეფექტური მეთოდი იმისათვის, რომ გარეცხის შემდეგ დელიკატურ ქსოვილებზე ყვითელი-ჭუჭყისფერი შეფერილობა თავიდან ავიცილოთ!

როგორ გავრეცხოთ სწორად ტული

იმისათვის, რომ ქსოვილმა ბრწყინვალება, სიქათქათე და თავდაპირველი სილამაზე შეინარჩუნოს, პირველ რიგში მიაქციეთ ყურადღება წყლის ტემპერატურას. ჩაალბეთ ტული 30-35 გრადუსი ტემპერატურის მქონე მოთბო წყალში. თუ წყლის ტემპერატურა უფრო მაღალი იქნება, ქსოვილის სტრუქტურა დაიშლება და ტული აუცილებლად გაყვითლდება!

მერე ეტაპია მარილის დამატება: წყლიან ჭურჭელში დაამატეთ მარილი (1 ს.კ. / 1 ლ.) და ამ ნარევში გააჩერეთ ფარდა საათნახევარი. ეს პროცედურა დაგეხმარებათ უკვე გაჩენილი ყვითელი ლაქების ამოყვანაშიც და ტულის იდეალურად გარეცხვაში. ჩალბობის შემდეგ გაავლეთ ტული ისევ და ისევ ოდნავ თბილ წყალში. გახსოვდეთ: წყლის ტემპერატურა ყველაზე მნიშვნელოვანი ფაქტორია!

ამის შემდეგ გარეცხეთ ფარდა სინთეთიკური ქსოვილებისთვის გათვალისწინებული თხევადი სარეცხი საშუალებით. მოეპყარით ძალიან ფრთხილად, არ ჭყლიტოთ და არ გაწუროთ - უბრალოდ ფაქიზად ჩამოწურეთ წყალი.

იმისათვის, რომ ტულს თავდაპირველი ბრწყინვალება დაუბრუნოთ, გრილ წყალში დაამატეთ ძმარი, პროპორციით 1 ს.კ. / 1 ლ. წყალზე. გაავლეთ ამ ნარევში და ქსოვილი სახეს იცვლის!

თუ ტული თეთრია და გსურთ ბრწყინვალე თოვლისფერი შესძინოთ, ცივ წყალში დაამატეთ სულ ცოტა, ორიოდე წვეთი ლილა. წყალი გახდება ღია ცისფერი. გაავლეთ მასში ფარდა და ნახავთ, როგორი ქათქათა და თვალისმომჭერლ ფერს მიიღებს!

შეიძლება თუ არა ტულის გარეცხვა სარეცხ მანქანაში?

სარეცხი მანქანით ფარდის გარეცხვა სეიძლება, მხოლოდ ყველაზე დელიკატურ რეჟიმზე და აუცილებლად გაწურვის გარეშე.

მანქანაში გსარეცხად მოათავსეთ ტულის ფარდები სპეციალურ ტომარაში. თუ ასეთი ტომარა არ გაქვთ, შეგიძლიათ გამოიყენოთ ჩვეულებრივი ბალიშისპირი.

გარეცხვის შემდეგ ამოიღეთ ფარდა ტომრიდან და გაფინეთ. ოდნავ სველი ფარდა უკვე შეგიძლიათ გააუთოოთ.

ასევე საინტერესოა:

1. როგორ გავრცეხოთ სწორად "დუტის" ქურთუკი - ეს ბევრმა არ იცის!

2. როგორ დავიცვათ ფეხსაცმელი მარილის ლაქებისგან ზამთარში

3. რატომ აქვს ქალის და მამაკაცის პერანგებს ღილები სხვადასხვა მხარეს - ეს ბევრმა არ იცის!

4. როგორ "მოვარჯულოთ" ფეხსაცმელი, რომელიც გვიჭერს - 5 გამოცდილი მეთოდი

5. შეცდომები, რომლებსაც ქალები ბიუსტჰალტერის ჩაცმისას უშვებენ

6. როგორ გამოვთვალოთ მარტივად მოგვიხდება თუ არა მოკლე ვარცხნილობა