ყველასათვის კარგად ცნობილ დიზაინერს, ავთანდილ ცქვიტინიძეს ბარბარობა დღეს საკმაოდ ორიგინალური ძარცვა დაებედა. საკვირველია, მაგრამ მას არც მეტი არც ნაკლები, ინგლისური ასოები მოპარეს... ყველაფერი კი ასე მოხდა: დღეს, მაღაზიაში მისულს, შესასვლელთან, მაღაზიის დასახელების ინგლისური ვერსია ბოლომდე არ დახვდა. როგორც ჩანს, ქურდი მხოლოდ ლათინურ ასოებს "მტრობს" ან კიდევ დიზაინერის ინგლისური სახელწოდება არ მოსწონს... ასეა თუ ისე, "ავთანდილს" ბედობა დღეს ნახევარი სახელწოდებით მოუწევს მუშაობა.

„ვიღაცამ კარგად დაცადა და დაარიგა ეტყობა… რა ვიცი, იქნებ, საახალწლოდ სხვა საჩუქრებით დააკმაყოფილოთ ნაშები. ... იმედია ჯადოს არ მიკეთებენ". - წერს დიზაინერი ფეისბუქის საკუთარ გვერდზე და ძარცვის ამსახველ ფოტომასალასაც ურთავს. როგორც თავად აცხადებს, ამჟამად მიმდინარეობს ძარცვის ამსახველ ვიდეოჩანაწერებზე მუშაობა.