ვირჯინიის შტატში პირდაპირ ეთერში ინტერვიუს დროს ორი ჟურნალისტი მოკლეს. ამის შესახებ "ბი-ბი-სი" იტყობინება. დაღუპულები არიან ტელეკომპანია WDBJ-TV-ის ჟურნალისტი, 24 წლის ელისონ პარკერი და ოპერატორი, 27 წლის ადამ უარდი. ინციდენტი ბედფორდში მოხდა. პოლიცია მომხდარს იძიებს. თავდამსხმელს კი ეძებენ. თავდასხმის მიზეზი უცნობია. ტელეკომპანია WDBJ-TV-ი მომხდარის ამსახველ ვიდეომასალას აქვეყნებს. აფროამეკელმა ფლენიგანმა ყოფილი კოლეგების მკვლელობის შესახებ სოციალურ ქსელში თავად დაწერა და აღნიშნულის მოტივად მათ მიერ რასისტული განცხადებების გაკეთება დაასახელა. გავრცელებული ინფორმაციით, მკვლელობის შემდეგ ლესტერ ლი ფლენიგანმა თავად თვითმკვლელობა სცადა. ზოგიერთი უცხოური მედიის ცნობით, ის დაიღუპა, ნაწილის ინფორმაციით კი, ცოცხალია.

როგორც უცხოური მედია წერს, ჟურნალისტების მკვლელობაში ეჭვმიტანილი ლესტერ ლი ფლენიგანი აღნიშნულ არხზე ორი წლის წინ მუშაობდა.



ამერიკელი ჟურნალისტების - 24 წლის ელისონ პარკერისა და 27 წლის ადამ უაირდის მკვლელი სოციალურ ქსელში ბრიუს უილისის სახელით იყო ცნობილი.მკვლელობის ჩადენის შემდეგ, რომელიც მკვლელმა თავად ვიდეოზე ასახა, საკუთარ თვითერზე მკვლელობის მოტივი დაასახელა. ფლენიგანი აფროამერიკელია და როგორც მისი კომენტარებიდან ირკვევა, მან მკვლელობა კოლეგებზე შურისძიების მოტივით ჩაიდინა, რადგან გარდაცვლილები თითქოსდა რასისტულ განცხადებებს აკეთებდნენ.მანვე დაწერა სოციალურ ქსელში, რომ აღნიშნულის გამო 23 გვერდიანი საჩივარიც ( სახელწოდებით "Charleston") კი შეიტანა თანასწორობის დასაქმების კომისიაში, მაგრამ გაბრაზებული და "გამხეცებული" ფლეიგანი წერს, რომ მიუხედავად ყველაფრისა, ის - ანუ ელისონ პარკერი მაინც აიყვანეს WDBJ7 TV სამსახურში.

როგორ გამოიყურებოდა მკვლელის ფეისბუქი მკვლელობის დღემდე და რას წერდა სოციალურ ქსელში?

უფრო შემაძრწუნებელი ის ვიდეო კადრები აღმოჩნდა, რომელიც მკვლელმა თავად ატვირთა თვითერზე. პოლიციამ ფლენიგანს მიაკვლია, მაგრამ მან თვითმკვლელობა სცადა.