დილით გავრცელებული ინფორმაციით პოლიტ-პატიმრად შერაცხილი 'პოლიტიკური დევნილი" მელორ ვაჩნაძე დღეს კახეთის რეგიონალური სამმართველოს თანამშრომლებმა დააკავეს.დაკავების მიზეზად საგზაო მოძრაობის წესების დარღვევა სახელდება. გარდა ამისა ირკვევა, რომ მან სიტყვიერი შეურაცხყოფა მიაყენა სამართალდამცველებს, თუმცა მომხდარ დაპირისპირებას არც შინაგან საქმეთა სამინისტროს საზოგადოებასთან ურთიერთობის სამსახურის უფროსი-ნინო გიორგობიანი უარყოფს და განმარტავს, რომ დაკავებულმა ღერძულა ხაზი გადაკვეთა.არ დაემორჩილა სამართალდამცველებს და დააკავეს.საზოგადოებისათვის ალბათ ისიც ცნობილია, რომ გასულ კვირაში მელორ ვაჩნაძე ზურგში დანით დაჭრეს.

ერთ-ერთ ინტერვიუში ნანა კაკაბაძე ამბობს, რომ არ ნანობს მელორ ვაჩნაძე პოლიტ -დევნილის სტატუსით რომ იქნა გათავისუფლებული და საქართველოს პარლამენტმა პოლიტპატიმრის სტატუსი მიანიჭა.თავის დროზე მსჯავრდებულისათვის აღნიშნული სტატუსის მინიჭებაზე პარლამენტის ადამიანის უფლებატა კომიტეტი არასამთავრობო სექტორთან ერთად იყო ჩართული და მათთან ერთად საკითხზე ნანა კაკაბაძეც მუშაობდა.

გასაკვირია, მაშინ როცა ვაჩნაძეს 8 თებერვალს სამართალდამცველების ცემისთვის პასუხი არავინ მოთხოვა, დღეს რატომ გახდა ასეთი მნიშვნელოვანი გურჯაანის პოლიციისთვის "გმირად" მონათლული მელორ ვაჩნაძის დაკავება.გავრცელებული ინფორმაციით პოლიციის შენობის წინ დაკავებულის მხარდამჭერი აქცია მიმდინარეობს მისი მგათავისუფლების მოთხოვნით.ცნობილია, რომ იგი წინასწარი დაკავების იზოლატორშია მოთავსებული.