შვეიცარიის ეროვნული ნაკრების და მიუნხენის “ბაიერნის” შემტევი ხერდან შაქირი მიმდინარე სეზონის დარჩენილ ნაწილს მილანის “ინტერში” იჯარის წესით ჩაატარებს. აღნიშნული ინფორმაცია “ინტერის” ოფიციალურმა ვებგვერდმა დაადასტურა.
მილანელებს საშუალება ექნებათ 2014/15 წლების სეზონის დასრულების შემდეგ, 23 წლის ფეხბურთელის სანაცვლოდ 18 მილიონი ევრო გადაიხადონ და შვეიცარიელთან ხელშეკრულება 2019 წლის ივლისამდე გააფორმონ.
შაქირიმ ახალ გუნდში უკვე გაიარა სამედიცინო შემოწმება, შემდეგ კი “Inter channel”-თან კომენტარი გააკეთა: “თავს კარგად ვგრძნობ და მოხარული ვარ მილანში ჩამოსვლით, აღფრთოვანებული ვარ ფანებით, მე უკვე მიყვარს ისინი.”
23 წლის ფეხბურთელმა ბუნდესლიგის მიმდინარე სეზონში “ბაიერნის” მაისურით 9 შეხვედრა ჩაატარა და ერთი გოლის გატანა მოახერხა.

თორნიკე ზეიკიძე

www.worldsport.ge