ფეხბურთი
ბრაზილიის საფეხბურთო კონფედერაციის საქმეს ფიფა სწავლობს
2014, 15 სექტემბერი, 12:16
მსოფლიო ფეხბურთის მმართველი ორგანიზაცია ფიფა Sunday Times-ის მიერ გამოქვეყნებულ სტატიაზე მოკვლევის დაწყებას აპირებს.
გამოცემის ცნობით, 2014 წლის ბრაზილიის მსოფლიო ჩემპიონატის მსვლელობისას, ამ ქვეყნის ფეხბურთის კონფედერაციის სახელით, იოზეფ ბლატერმა და აღმასრულებელი კომიტეტის 26-მა წევრმა საჩუქრად 25 ათასი დოლარის ღირებულების საათები მიიღეს.
“ბრაზილიის ფეხბურთის კონფედერაციის 100-წლიან იუბილესთან დაკავშირებით, ამ ორგანიზაციამ სხვადასხვა პირებს, მათ შორის აღმასკომის წევრებს, საკუთარი სპონსორის სახელით საათები უსახსოვრა. ეთიკის კომიტეტი ინფორმირებულია და ამ საკითხს შეისწავლის” - წერია ფიფას ოფიციალურ განცხადებაში.
ფიფას ეთიკის კოდექსის თანახმად, ორგანიზაციის ფუნქციონერებს ძვირადღირებული, არასიმბოლური საჩუქრების მიღება ეკრძალებათ.
ზურა ქსოვრელი
www.worldsport.ge
