წარმოშობით პოლონელი, ამერიკის მოქალაქე ალექსანდრე იმიჩი 111 წლის ასაკში ნიუ იორკში საკუთარ ბინაში გარდაცვლილი იპოვეს.როგორც წყარო გვატყობინებს, იმიჩი პოლონეთის ბრძოლების აქტიური მონაწილე იყო და 1951 წელს ის იძულებული გახდა მეუღლესთან ერთად ამერიკაში წასულიყო საცხოვრებლად.თავდაპირველად ის სხვა ქალაქში დასახლდა, მაგრამ 1986 წელს მეუღლის გარდაცვალების შემდეგ ნიუ იორკის მკვიდრი გახდა.ალექსანდრე იმიჩი შეიძლებოდა ყოფილიყო მსოფლიოს უძველესი ადამიანი, რომ არა სამხრეთ იაპონელი მისაო ოკავა, რომელიც 115 წლის ასაკში 2013 წლის თებერვალში გარდაიცვალა.ცნობისათვის მისაო ოკავა 1898 წელს იყო დაბადებული.

116 წლის ასაკში კი 2014 წლის მარტში პერუელი ქალბატონი ფილომენა ტაიპ მენდოზა გარდაიცვალა, რომელიც 1897 წლის 20 დეკემბერს იყო დაბადებული.

სიკვდილამდე ჩაწერილ ვიდეოში ხანდაზმული მოხუცი ალექსანდრე იმიჩი აცხადებს, რომ მისი ხანგრძლივი სიცოცხლის საიდუმლო მის გენებში და ჰიგიენური ცხოვრების წესშია.მისი თქმით მამამისი 90 წლის ასაკში გარდაიცვალა, ისევე როგორც მისი დედა 92 წლის მოკვდა.

წყაროზე დაყრდნობით ალექსანდრე იმიჩი დაიბადა 1903 წლის 4 თებერვალს პოლონეთში. როგორც "ნიუ იორკ ტაიმსი" აღწერს, ის გახდა გამოცდილი ანტისემიტისტი და საბოლოოდ შეისწავლა ქიმია და პარაფსიქოლოგია.

იმიჩმა მიიღო გინესის მსოფლიო რეკორდი მამაკაცებში მას შემდეგ, რაც 112 წლის ასაკში საკუთარ დაბადების დღეზე გარდაიცვალა იტალიელი არტურო ლიკატა.