არაჩვეულებრივი სილამაზის, მომხიბლავი აღნაგობისა და თანატოლებში ყოველთვის გამორჩეული ბუნების 22 წლის სალომე ჯორბენაძე 25 ივლისს ზესტაფონის მუნიციპალიტეტის გამგეობის მიმდებარე ტერიტორიაზე ე.წ. " ირინეს" პარკში საკუთარმა მეუღლემ მოკლა.

სალომე ჯორბენაძე სამოდელო სამყაროში აპირებდა საკუთარი სიტყვის თქმას, მაგრამ არ დასცალდა. გოგონა ივანე ჯავახიშვილის სახელმწიფო უნივერსიტეტის სტუდენტი იყო. ეს შემზარავი ტრაგედია გუშინ საღამოს დაახლოებით 8 საათზე მოხდა, მაშინ, როცა " ირინეს" პარკი გადაჭედილი იყო ხალხით.

ოფიციალურად არავინ საუბრობს დატრიალებული ტრაგედიის მიზეზებზე, თუმცა საზოგადოებისთვის ცნობილია, რომ მისი მეუღლე სერგი საცერაძე, რომელიც ზესტაფონის პოლიციის თანამშრომელია, კატეგორიული წინააღმდეგი იყო ცოლი შოუბიზნესში ჩართულიყო.სალომეს მეგობრებიდან ირკვევა, რომ სოციალურ ქსელში გამოქვეყნებული ფოტოები, სადაც გარდაცვლილის საკმაოდ თამამი ფოტოსესიაა, გახდა მიზეზი იმისა, რომ მკვლელობით დასრულებულიყო მისი სიცოცხლე.


სალომესა და სერგი საცერაძის ფეისბუქის გვერდიდან ირკვევა, მას ბოლო დროს დაძაბული ურთიერთობა ჰქონდათ ერთმანეთთან, რაზეც მათი ფოტოები და სტატუსები მეტყველებს.

აი რას აქვეყნებს სერგი საცერაძე ფეისბუქის საკუთარ გვერდზე:

ბევრის მთქმელი და დამაფიქრებელია მკვლელის მიერ სოციალურ ქსელში განთავსებული შეგონებები. კითხვა კი მხოლოდ ერთია: - " იყო თუ არა ეს შემზარავი ტრაგედია წინასწარ განზრახული მკვლელობა?"

22 წლის ულამაზეს ზესტაფონელ გოგონას სალომე ჯორბენაძეს მცირეწლოვანი შვილი - სანდრიკა დარჩა.