ხორვატიის ეროვნული ნაკრების 35 წლის მეკარემ სტიპე პლეტიკოშამ სანაკრებო კარიერის დასრულების გადაწყვეტილება მიიღო. აღნიშნული ინფორმაცია მეკარემ სპორტსკე novosti daily-სთან ინტერვიუში გაახმაურა. "გადაწყვეტილება მსოფლიო ჩემპიონატის დაწყებამდე მივიღე. ამის შესახებ ნიკო კოვაჩსაც ვუთხარი და მან გამიგო. ახლა ჯერი ახალგაზრდებისაა." - განაცხადა პლეტიკოშამ. ვეტერან მეკარეს სანაკრებო დებიუტი 1999 წელს დანიის წინააღმდეგ ჰქონდა. მას შემდეგ პლეტიკოშამ ეროვნული ნაკრების კარი 114 შეხვედრაში დაიცვა. პლეტიკოშას საერთაშორისო გამოცდილება დიდი აქვს: 2002, 2006, 2014 წლების მსოფლიო ჩემპიონატებზე და 2008 და 2012 წლების ევროპის ჩემპიონატზე უასპარეზია. ივარაუდება, რომ ხორვატთა ეროვნულ ნაკრებში პლეტიკოშას სრულფასოვანი შემცვლელი "მონაკოს" 29 წლის მეკარე დანიელ სუბასიჩი იქნება.
ხორვატიის ეროვნული ნაკრების 35 წლის მეკარემ სტიპე პლეტიკოშამ სანაკრებო კარიერის დასრულების გადაწყვეტილება მიიღო. აღნიშნული ინფორმაცია მეკარემ სპორტსკე novosti daily-სთან ინტერვიუში გაახმაურა.
