უკრაინის ნაკრების და მოსკოვის “სპარტაკის” ყოფილი მცველი, დმიტრი პარფიონოვი, შეშფოთებულია მის ქვეყანაში მიმდინარე მოვლენებით და ამბობს, რომ ამან, შესაძლოა, ძალიან ცუდად იმოქმედოს უკრაინულ ფეხბურთზე: “ვფიქრობ, ახლო მომავალში უკრაინულ კლუბებს დიდი პრობლემები შეექმნებათ, - უთხრა პარფიონოვმა “იზვესტიას, ” – სასწაულები არ ხდება, როცა ქვეყანაში ასეთი არეულობაა, ფეხბურთიც დაზარალდება. თუ ჩემპიონატი დროულად არ განახლდა, ფეხბურთელები უკრაინიდან მასობრივად გაიქცევიან. სადღაც ხომ უნდა ითამაშონ. მით უმეტეს, ლეგიონერებმა, რომლებსაც მსოფლიო ჩემპიონატის წინ სათამაშო პრაქტიკა სჭირდებათ.”

სოლომონ გულისაშვილი

www.worldsport.ge