ინგლისური ფეხბურთის ლეგენდა დევიდ ბექჰემი, რომელმაც ფეხბურთელის კარიერა ნახევარი წლის წინ დაასრულა, უახლოესი 30 დღის განმავლობაში ამერიკის საფეხბურთო ლიგის კლუბის მფლობელი გახდება.
MLS-ის კომისარმა დონ გარბერმა განაცხადა, რომ მომავალ კვირაში გაკეთდება განცხადება ლიგასა და ინგლისელ ფეხბურთელს შორის შეთანხმების მიღწევაზე, რომლის თანახმადაც, ბექჰემი მაიამის კლუბის მფლობელი გახდება.
დევიდს, რომელმაც ამერიკის ნაციონალურ ლიგაში, “ლოს-ანჯელეს გელექსიში” ხუთი წელი გაატარა, კლუბის მფლობელის უფლება 25 მილიონი დოლარის ფასდაკლებით მისცეს. გუნდი მაიამიში შეიქმნება და ის იქნება 22-ე კლუბი MLS-ში.
ცოტა ხნის წინ ბექჰემის შეთავაზების განხილვა იმის გამო გადაიდო, რომ მას მაიამის ხელმძღვანელობასთან ქალაქში ახალი სტადიონის მშენებლობის შესახებ უნდა მიეღწია შეთანხმებისთვის და როგორც ჩანს, ამ კუთხით პროგრესი უკვე თვალსაჩინოა.

ზურა ქსოვრელი

www.worldsport.ge