იტალიური ბულვარული პრესა ბოლო დროს ხშირად ჭორაობს “დოლჩე გაბანას” ცნობილ მოდელ, ბიანკა ბალტისა და ვეტერანი იტალიელი ფეხბურთელის, ალესანდრო ნესტას შესაძლო სიყვარულზე. “ყვითელი” მედიის ეჭვებს აძლიერებს ის ფაქტი, რომ ბოლო პერიოდში ნესტა ცოლთან ერთად საზოგადოებაში აღარ ჩნდება.
ბიანკა ბალტი ნესტას თურმე ჯერ კიდევ იმ პერიოდიდან იცნობს და ემეგობრება, როდესაც ლეგენდარული იტალიელი მცველი, ფეხბურთის თამაშის გარდა, მამაკაცის კოსტიუმების მწარმოებელი ერთ-ერი იტალიური კომპანიის სახეც იყო და რამდენჯერმე ჩვენებაშიც კი მიიღო მონაწილეობა.

ამის შემდეგ გავიდა დრო, ნესტამ ცოლად ბიანკას კოლეგა, გაბრიელა პინოცი მოიყვანა და ორი შვილიც ეყოლა. ყველაფერი იქითკენ მიდიოდა, რომ ჭორებზე მონადირე ჟურნალისტებს სკანდალის საბაბი წესით არ უნდა მისცემოდათ, მაგრამ რად გინდა?...

www.worldsport.ge