8 ივლისს ქართველ ლამაზმანს შორენა ბეგაშვილს 31 წელი შეუსრულდა, რომელიც მხოლოდ უახლოესი მეგობრების გარემოცვაში აღნიშნა " ექსპოჯორჯიას" უმშვენიერეს ტერასაზე.

სექსსიმბოლოდ ცნობილი შორენა ბეგაშვილი "შანელის" თეთრ ატლასის კაბაში იყო გამოწყობილი და გემოვნებით გაფორმებულ ტერასაზე იღებდა სტუმრებს.

იმდენად მომხიბლავად გამოიყურებოდა იუბილარი, მტერს კი არა მხოლოდ, ალბათ მოყვარესაც შეშურდებოდა. მდიდრულად გაფორმებულ "ექსპოჯორჯიას" ტერასაზე სპეციალურად დამზადებული ბანერის წინ უახლოესი მეგობრების გარემოცვაში პოზირებდა იგი." ტერასაზე" შეუღწევადობას შორენას პირადი დაცვა გამოფენის თანამშრომლებთან ერთად აკონტროლებდა.

იუბილარმა დაბადების დღე 8 ივლისის ნაცვლად 12 ივლისს გადაიხადა, მიზეზად კი მოუცლელობა დაასახელა.სტუმრებს შორის, როგორც ფოტოებიდან ირკვევა, კახიანების, გაჩეჩილაძეების სრული შემადგენლობა გახლდათ და აგრეთვე რუსთავი 2 - ის რამდენიმე მეგობარი ჟურნალისტი.ფართო მედიისთვის კი წვეულება სანახევროდ დახურული იყო.

მსახიობმა ნინო გაჩეჩილაძემ, რომელიც იუბილეზე გახლდათ როგორც შორენას უახლოესი მეგობარი, საკუთარი ფეისბუქის გვერდზე სტატუსიც კი გამოაქვეყნა და შემდეგი შინაარსის კომენტარი დაწერა: - " რა კარგი იყო შენთან. ძალიან ლამაზი საღამო გავატარეთ".

ფაქტია, რომ მართლაც ულამაზესი საღამო იქნებოდა შორენას დაბადების დღეზე.