ხელისუფლების შეცვლიდან გავიდა თითქმის 9 თვე და ქართული საზოგადოება სულმოუთმენლად ელოდება ზურაბ ჟვანიას გარდაცვალების ზუსტ მიზეზებს.არა ერთხელ გაიჟღერა მთავარი პროკურორის განცხადებამ აღნიშნულ საკითხზე, არსებობდა ვერსიები გამოძიების თითქოსდა ჩიხში შესვლის თაობაზე, მაგრამ გამოძიება კვლავ გრძელდება, წინ მიდის და არჩილ კბილაშვილი დარწმუნებულია, რომ წარმატებით დასრულდება და საზოგადოება კიდევ ერთი სენსაციური სიახლის მომსწრე გახდება.ამის შესახებ მან განცხადება გააკეთა და აღნიშნა, რომ ქართული საზოგადოება მალე მიიღებს პასუხს: - "მოკლეს თუ არა ზურაბ ჟვანია"?

მთელი ამ ხნის განმავლობაში არსებობდა პროგნოზები ჟვანიას საეჭვო გარდაცვალებასთან დაკავშირებით, ამჟამად კი საქმე სხვაგვარადაა და როგორც მთავარი პროკურორი აცხადებს:(ციტირებას ვახდენ) - "გამოძიება ჩიხში არ შესულა, პირიქით, გამოძიება წინ მიდის და დარწმუნებული ვარ, წარმატებით დასრულდება.ეს იმას ნიშნავს, რომ ზუსტად დადგინდეს, რა მოხდა - ადამიანი მოკლულია, თუ უბედური შემთხვევის მსხვერპლია? ამის განცხადება ამჯამად მიზანშეწონილად არ მიმაჩნია, მაგრამ ყველა საკითხი, მათ შორის ერთ-ერთი უმთავრესი - პასუხგაცემული იქნება.დღეს რა კითხვაც აწვალებს საზოგადოებას - ეს იყო მკვლელობა თუ უბედური შემთხვევა, ამ კითხვაზე მალე მკაფიოდ მიიღებს პასუხს" - აცხადებს არჩილ კბილაშვილმა.