მართალია, დასავლური ცხოვრების წესის გაცნობამ და მასთან დაახლოებამ საქართველოში ბევრი ტრადიციული შეხედულება გააფერმკთალა, მაგრამ გარკვეული ღირებულებები მაინც ხელუხლებელი დარჩა. გარეგნული ეფექტების მიღმა, როგორიცაა, ვთქვათ, გოგონების მოშიშვლებული ჭიპი, ბენდენიანი ბიჭები და სხვა, საკმაოდ ტრადიციულ შეხედულებებს და ხედვას აღმოაჩენთ.

თანამედროვე ქართველი გოგონები ბიჭებს მთავარ მოთხოვნად ყურადღების, პატივისცემის გამოჩენას და საერთოდ რაინდულ ქცევას უყენებენ. ბიჭები კი ქალში ზრდილობასა და ქალურობას აფასებენ. რაც შეეხება გამომწვევ ჩაცმულობას ან გოგონას ნაზ ტუჩებში გარჭობილ სიგარეტს, ამას დღეს რატომღაც ყურადღებას არ აქცევენ. ახალგაზრდები მიიჩნევენ, რომ ქალისა და მამაკაცის ურთიერთობაში მთავარი გაგება და სიყვარულია. თუმცა მე ამის არაფერი მესმის. გოგოს კლდემამოსილება და თავის დაფასება უნდა შეეძლოს. თუ მას ადვილად მოიპოვებ, შემდეგ ურთიერთობა უფერულდება. (ჩემს შემთხვევაში ეგრე ხდება).

საქართველოში ლამაზი გოგო ბევრია, მაგრამ საკუთარი თავის ფასი ბევრმა არ იცის. დაინახავ, მოგეწონება, ანგელოზი გგონია და ისეთ რამაზე წაასწრებ, მისკენ გახედვაც აღარ მოგინდება.

ჩემს კლასში ახალი მოსწავლე გადმოვიდა - ულამაზესი გოგო, მაღალი, ქერა, ცისფერთვალება... სიმართლე გითხრათ, მომეწონა და გარკვეული სიმპათიებიც გამიჩნდა, მაგრამ ერთი კვირის შემდეგ სკოლის უკან ერთ ჩემს სკოლელს კოცნიდა. სკოლაში ჯერ მოსულიც არ იყო, უკვე ვიღაც გამონახა. არ მომწონს ასეთი ქარაფშუტა გოგოები. ამისთანაც ცოლად ვერ მოვიყვან. სანამ კარგად არ გავიცნობ, გოგო ჩემი ცოლი ვერ გახდება.

მოკლე ერთი სიტყვით რა, ეს სტატია იმიტომ დავწერე, რომ ქალიშვილობის ინსტიტუტის დაცვა აუცილებელია. ბოლოსდაბოლოს თუ ჩვენს ეროვნულ ტრადიციებს არ სცემთ პატივს, ბიბლიაში მაინც ჩაიხედეთ.

ამ სტატიის შემდეგ ზოგი ალბათ გაიფიქრებს რა "სოფლელი" და გოიმიაო, მაგრამ ასეთია ჩემი აზრი. თუმცა ყველას საკუთარი ცხოვრება აქვს.