10 თვის წინ ჩათში 25 წლის თბილისელი ზურა გამეცნო. ჩემი ტელეფონის ნომერი მივეცი და ასე დაიწყო ჩვენი ურთიერთობა, ვერ წარმომედგინა ვინმესთან ტელეფონით დაახლოება. თითქმის 6 თვე ვმესიჯობდით, მეუბნებოდა სულიერად მიყვარხარო და ძალიან თბილად მეპყრობოდა. მე ბათუმელი ვარ. გაცნობიდან მეექვსე თვეს თბილისში მომიწია წამოსვლა და შევხვდით, ზუსტად ისეთი კარგი აღმოჩნდა, როგორც წარმომედგინა. ჩვენი შეხვედრის შემდეგ ზურას უფრო შევყვარდი და სერიოზულად დაიწყო ფიქრი ჩვენს ურთიერთობაზე, მაგრამ მე ჯერ 18 წლის ვარ და ვსწავლობ, თანაც დედისერთა ვარ და მშობლებთან ახლოს უნდა ვიყო, თბილისში გათხოვება არ შემიძლია. გადავწყვიტე, მასთან ურთიერთობა შემეწყვიტა, რომ არც ისე დამეტანჯა და არც საკუთარი თავი, მიზეზად კი ის ვუთხარი, რამდენჯერმე ჩამოსვლას რომ დამპირდი და ვერ შეძელი, მეწყინა - მეთქი. თითქოს დაიჯერა, მაგრამ ალბათ ვერასდროს დავივიწყებ. თუ ქვეყნად სასწაულები ხდება, ოდესმე ჩვენც ერთად ვიქნებით.