ჩემს სოფელში ერთი შემზარავი ამბავი მოხდა. 50 წლის კაცმა თავისი ბიცოლა მოკლა. საბრალო მოხუცი მარტო ცხოვრობდა, მისი შვილი უცხოეთში იყო და იქიდან უგზავნიდა ფულს. როგორც კი ბიცოლას ფული ჩამოუვიდოდა, მაზლიშვილი სახლში მიუვარდებოდა და დოლარებს ართმევდა. ბოლოს შეწუხდა ქალი ასეთი ტერორით და პოლიციას შეატყობინა. სამართალდამცველებმა მაზლიშვილი გააფრთხილეს, რომ მსგავსი ქმედება აღარ გაემეორებინა. როცა პოლიცია წავიდა, ბიცოლამ ეზოდან დაუძახა, - ახლა მაინც მომეშვები და ჩემს სახლში შენი ფეხი აღარ იქნებაო. მაზლიშვილმა მეზობლების თანდასწრებით არაფერი უპასუხა, თუმცა მეორე დილით 76 წლის ქალი საკუთარ სახლში მკვდარი იპოვეს. მას ყელზე თოკი ჰქონდა შემოჭერილი, წელს ქვემოთ კი შიშველი იყო. მკვლელობა ვინ ჩაიდინა, დიდი მიხვედრა არ სჭირდებოდა. თუმცა იმას ვინ წარმოიდგენდა, რომ 80 წელს მიტანებული ქალი მოკვლის შემდეგ მაზლიშვილმა გააუპატიურა კიდეც. მთელი სოფელი შოკშია. კიდევ კარგი, პოლიციამ გააპარა, თორემ მეზობლები ლინჩის წესით გაასამართლებდნენ.