ნაციონალური მოძრაობის ყველაზე ახალგაზრდა წევრი და პარლამენტარი მარიამ საჯაია, თავისი პოლიტიკური გუნდის აქტიური მხარდამჭერია, რაც მისი პარლამენტში გამოსვლებიდან და facebook-ზე გაკეთებული პოსტებიდანაც ჩანს. გთავაზობთ მის სტატუსს, რომელიც მან გააკეთა სოციალურ ქსელზე:

"პირველად საქართველოს ისტორიაში: დემოკრატიულ არჩევნებში დამარცხებისა და ხელისუფლების მშვიდობიანი გზით გადაცემის შემდეგ, ოპოზიციაში გადასული ყოფილი მმართველი პარტია არსებობას განაგრძობს და ეროვნული ინტერესების დასაცავად მზადყოფნას გამოთქვამს. „ნაციონალური მოძრაობა“ ახალ ძალას იკრებს, რათა არ დაუშვას ქვეყნის პროგრესის შეჩერება, რადგან ამის რეალური საფრთხე დადგა „ქართული ოცნების“ ხელისუფლებაში მოსვლის შემდეგ.

მათი პოლიტიკა მიმართულია არა წინასაარჩევნო დაპირება-ოცნებების შესრულებისკენ, არამედ რეჟიმის დამყარებისკენ, სადაც სახელმწიფო მანქანის ყველა ქმედება მიმართულია ერთი ადამიანის ინტერესების დასაკმაყოფილებლად, სადაც ქვეყანა ხდება პირადი ბიზნეს-ინვესტიციების ამოღების საშუალება და ამ ყველაფრით სერიოზულად ზარალდება საქართველო, მისი თითოეული მოქალაქე და ქვეყნის საერთასორისო იმიჯი.

ეს რომ არ მოხდეს, ამიტომ უნდა არსებობდეს ძლიერი ოპოზიცია, ამიტომაც არ უნდა განადგურდეს „ნაციონალური მოძრაობა“, როგორც ეს ხელისუფლებას სურს, არამედ უნდა გაძლიერდეს, კიდევ უფრო გაერთიანდეს და განაგრძოს ბრძოლა !"

გარდა ამისა იგი ისევ ოცნებობს ლაზიკას მშენებლობაზე, სჯერა რომ ლაზიკა აშენდება და მას თავისი მომავლის სახლი ასეთი წარმოუდგენია