როგორი მამაკაცი შეიძლება ჩაითვალოს სექსუალურად? მაღალი, გამხდარი, გლუვი კანით, რომელსაც ცხიმის ნაკეცები არ აქვს? არაფერი შეგეშალოთ.

ქალებს გემოვნება მნიშვნელოვნად შეეცვალათ. მათ თვალში სექსუალური მამაკაცი უკვე აღარ არის ასეთი გარეგნობის, როგორიც ადრე ეგონათ. ერთ-ერთმა ამერიკულმა ქალთა ჟურნალმა გადაწყვიტა, გაერკვია ქალების აზრი მამაკაცის სექსუალურობაზე და მიღებული შედეგებით გაოცებული დარჩა.

ქალების უმრავლესობა მიიჩნევს, რომ ცხიმის ნაკეცები მუცელსა და თეძოებზე მამაკაცს სულაც არ აუშნოებს და, მათი აზრით, ბანჯგვლიანი მკერდიც მიმზიდველია. ჟურნალის გამომცემლები შეფიქრიანდნენ, რადგან ეს ჟურნალი ხშირად აქვეყნებს მაღალი, გამხდარი მამაკაცების სურათებს, რომლებსაც მკერდზე თმა არ აქვთ. ახლი კი ფიქრობენ, რომ ახალი მოდელი უნდა ეძებონ - მამაკაცი, რომელიც ქალების მოთხოვნებს უპასუხებს.