რუმინეთის ერთ-ერთ სკოლაში გაზარმაცებული მოსწავლეების წინააღმდეგ ბრძოლის ორიგინალურ მეთოდს მიაგნეს. მცირე ხნის წინ სკოლაში ახალი წესი ამოქმედდა - არასაპატიო მიზეზით გაკვეთილების გაცდენის შემთხვევაში მოსწავლეებს იძულებითი წესით დაალაგებინებენ, ოღონდ, არა საკლასო ოთახს, არამედ პირდაპირ საღორეში გაუშვებენ.

"დასჯის ტრადიციული მეთოდები, როგორებიცაა დღიურში მშობლისთვის ჩანაწერის გაკეთება, მოსწავლეებთან სერიოზული საუბარი, ბავშვებზე უკვე აღარ მოქმედებს", - ამიტომაც მშობლებთან მოლაპარაკების შემდეგ გადაწყდა, რომ ურჩ მოსწავლეებს საღორეში გაგზავნიან. ისინი ამ მეთოდით გაცდენების შემცირებას იმედოვნებენ.