ცოლ-ქმარს შორის ურთიერთობა ძალიან რთული საკითხია. ზოგჯერ ურთიერთობა დროთა განმავლობაში ძლიერდება, მაგრამ ისეც ხდება, რომ ერთ-ერთ მათგანს მეორე ნახევარი სძულდება. ასე დაემართა ერთ წყვილს ალენტაუნიდან (პენსილვანიის შტატი, აშშ). ცოლს ისე შესძულდა ქმარი, რომ რამდენჯერმე სცადა მისი მოკვლა. უცნაურია, მაგრამ ამ ამბავს ბედნიერი და რომანტიკული დასასრული აქვს.

ტონიმ და ფრენსისმა ერთად 17 წელი იცხოვრეს, ოთხი შვილი გაზარდეს და საერთო ბიზნესი განავითარეს. მაგრამ მათ ქორწინებაში ბზარები გაჩნდა. ქალმა გაიგო, რომ მის ქმარს საყვარელი ჰყავდა და რეგულარულად ღალატობდა. ხშირად ასეთ სიტუაციებში ადამიანები პრობლემას განიხილავენ, რა თქმა უნდა, ემოციებით და საყვედურებით. ამ შემთხვევაში ასე არ მოხდა. მოტყუებულმა ფრენსისმა არ გაამხილა, რომ იცოდა ქმრის თავგადასავლების შესახებ, უბრალოდ გადაწყვიტა მისი მოკვლა.

პირველად გამოიყენა შხამი, რომელსაც მცირე დოზებით ამატებდა ქმრის საკვებსა და სასმელში. მზაკვარ ქალს სურდა, რომ ტოქსინს თანდათან ემოქმედა და სიკვდილი ბუნებრივი გამოჩენილიყო. არაფერი გამოუვიდა, თუმცა ქმარი უჩიოდა ჯანმრთელობას და 12 დღე საავადმყოფოშიც აღმოჩნდა.

მომწამვლელის საბედნიეროდ პროვინციული კლინიკის ექიმებმა ზუსტად ვერ დაადგინეს პაციენტის ავადმყოფობის მიზეზი და დამნაშავე სასჯელს გადაურჩა. დაუსჯელობამ ახალი მცდელობისკენ უბიძგა. მეორედ სცადა ქმრის ლიკვიდაცია მანქანაში ბომბის ჩადებით. მაგრამ აქაც ვერ შეძლო, მოწყობილობა არ ამუშავდა.

სასოწარკვეთილმა ფრენსისმა პროფესიონალებს მიმართა. სამჯერ დაიქირავე კილერები. მათი მომსახურების საფასური პირადი დანაზოგიდან გადაიხადა. საბრალო კაცი ბეისბოლის ჯოხით სცემეს, წიხლები ურტყეს და იარაღიდანაც ესროლეს. მაგრამ მოღალატე ქმარს ფხიზელი მფარველი ანგელოზი ჰყავდა და ყოველ ჯერზე სიკვდილს გაურბოდა. ამავდროულად, ბოლო წუთამდე ეჭვი არ ეპარებოდა მეორე ნახევარში, რომელიც მოსიყვარულე, ყურადღებიანი ცოლის როლს თამაშობდა.

მოულოდნელი ფინალი

ადრე თუ გვიან, ყველა საიდუმლო აშკარავდება და ერთ მშვენიერ დღეს ყველაფერი გაირკვა. წარუმატებელი მკვლელი პოლიციამ დააკავა და ბრალდებების გრძელი სია წაუყენა. გასაკვირია, მაგრამ ტონიმ, რომელიც რამდენჯერმე კინაღამ მოკლეს, ცოლს აპატია და მისთვის სასჯელის შემსუბუქებაც ითხოვა. სასამართლომ გაითვალისწინა ქალის გულწრფელი მონანიება და დაზარალებულის მხრიდან პრეტენზიების არარსებობა. შურისმაძიებელმა ფრენსისმა პატიმრობაში მხოლოდ 4 წელი გაატარა და ამ დროის განმავლობაში ქმარი მის გათავისუფლებას მოუთმენლად ელოდა.

მას შემდეგ მრავალი წელი გავიდა და ახლახან წყვილმა ქორწინების 57 წლის იუბილეც აღნიშნეს. სრულყოფილ ჰარმონიაში ცხოვრობენ და ჟურნალისტებისთვის თავიანთი ამბის მოყოლა უყვართ. მათი ისტორია იმდენად უჩვეულოა, რომ რეჟისორმა ლოურენს კესდანმა მის მიხედვით გადაიღო კომედია „სიგიჟემდე მიყვარხარ“ (I Love You to Death, 1990). ფილმი 1990 წელს გამოვიდა და აშშ-ში სალაროებიდან კარგი შემოსავალიც მიიღო. სხვათა შორის, ამ ფილმში ითამაშა ახალგაზრდა და ჯერ კიდევ ნაკლებად ცნობილმა კიანუ რივზიმ.

ასევე დაგაინტერესებთ:

50-წლიანი თანაცხოვრების შემდეგ ქმარმა ცოლს ჰკითხა, მისი ერთგული თუ იყო - მოსმენილმა გონება დააკარგვინა

ამ კაცს ცოლი აწუხებდა და 62 წელი თავს ყრუ-მუნჯად აჩვენებდა. საიდუმლო ინტერნეტის გამო გამჟღავნდა

ცოლმა ქორწილის მეორე დღეს განქორწინება მოითხოვა - მიზეზი რომ იცოდეთ, თქვენც ასე მოიქცეოდით

განშორება მილიარდებით: 9 ყველაზე ძვირადღირებული განქორწინება მსოფლიოში

ნამდვილი სიყვარული უკვდავია: ქალი ყოველდღე მეტროში ჩადის, რომ გარდაცვლილი ქმრის ხმა გაიგონოს

იყო კარგი მეცნიერი, მაგრამ არა ქმარი: ქცევის წესები, რომელიც აინშტაინმა ცოლისთვის შეადგინა