მსუბუქი და გემრიელი ორცხობილა გარგარით და ჩედერით თითის ანაბეჭდით იდეალური ვარიანტია წასახემსებლად. მარილიანი ყველის და ტკბილი გარგარის ჯემის კომბინაცია უნიკალურ გემოს ქმნის, ხოლო ორცხობილას მომზადების პროცესი სიამოვნებას მოგანიჭებთ.

რა გჭირდებათ ორცხობილას მოსამზადებლად?

1 ჭიქა ფქვილი

ნახევარი ჩაის კოვზი მარილი

ნახევარი ჩაის კოვზი გამაფხვიერებელი

1 ფინჯანი გახეხილი ყველი ჩედერი (ცხარე, მაღალი ხარისხის)

100 გრამი რბილი კარაქი

ნახევარი ჭიქა გარგარის ჯემი

მითითებული რაოდენობით მთელი ოჯახისთვის სამყოფ ორცხობილებს გამოაცხობთ.

8 მარტივი ნაბიჯი, როგორ მოამზადოთ ორცხობილები

ორცხობილა რომ გამოვიდეს არომატული, გარედან ხრაშუნა და შიგნით რბილი კაშკაშა ყველი–გარგარის გემოთი, მომზადების ტექნოლოგია დაიცავით.

1. ღუმელი 180 გრადუსამდე გაახურეთ. სანამ ხურდება, ორ საცხობ ფორმას პერგამენტის ქაღალდი დააფინეთ.

2. მშრალი ინგრედიენტები, ფქვილი, მარილი და გამაფხვიერებელი, სამზარეულოს კომბაინში მოათავსეთ და ათქვიფეთ, სანამ ერთგვაროვანი არ გახდება.

3. დაუმატეთ გახეხილი ყველი და დარბილებული კარაქი. რბილი, ელასტიური და ერთგვაროვანი ცომის მიღებამდე ათქვიფეთ.

4. ჩაის კოვზით ცოტა ცომი ამოიღეთ, დაახლოებით 2 სმ დიამეტრის პატარა ბურთი გააკეთეთ. ასე გააკეთეთ მთელი ცომით.

5. მიღებული ბურთები საცხობ ფორმაზე გადაიტანეთ. თითით თითოეულის ცენტრში ჩაღრმავება გააკეთეთ.

6. ჩაღრმავება გარგარის ჯემით შეავსეთ.

7. 15 წუთით ოქროსფერ შეფერილობამდე აცხვეთ.

8. 10 წუთი საცხობ ფორმაში გაგრილება აცადეთ, შემდეგ სრულ გაგრილებამდე გისოსზე გადაიტანეთ.

ესეც ასე, ორცხობილები მზად არის. ოჯახის წევრები დაპატიჟეთ და ჩაის წვეულება მოაწყვეთ!

როგორ შევინახოთ მზა ორცხობილა?

ასეთ ორცხობილას დიდხანს ვერ შეინახეთ. როგორც წესი, ერთ საათში იჭმება. თუ მაინც მოგიწიათ შენახვა, რამდენიმე რჩევას მოგცემთ.

სრულად გაგრილების შემდეგ სწორად შეფუთეთ, რომ გემო და ხრაშუნა ტექსტურა არ დაკარგოს. პლასტმასის ან მინის ჰერმეტული კონტეინერები უკეთესია. ასე არ გახმება და უცხო სუნებს არ შეიწოვს.

გარგარის ორცხობილა ოთახის ტემპერატურაზე შეგიძლიათ შეინახოთ. 2 კვირა შესანიშნავად გაძლებს. მაცივარში არ შეინახოთ, დაბალ ტემპერატურაზე ხრაშუნა ტექსტურას დაკარგავს.

რეცეპტი მარტივია, მაგრამ სტუმრებზე დიდ შთაბეჭდილებას მოახდენს. მარილიანი ყველის და ხილის ჯემის კომბინაცია საოცარ გემოს და ტექსტურას ქმნის. ბავშვებს აუცილებლად მოეწონება!

ასევე დაგაინტერესებთ:

სამარხვო ტორტი ბანანის კრემით

ნაზი ყველიანი კექსი მთელ ოჯახს ძალიან უყვარს: თითოეულში ფერადი სიურპრიზია

სწრაფი ტორტი „ჩიტის რძე“ გურმანებისთვის!

ჩემს შავ ტორტს ქალიშვილი ჯადოსნურს უწოდებს: მომწარო გამოდის, მაგრამ ძალიან გვიყვარს

იტალიელმა მეგობარმა გემრიელი ნაყინის გაკეთება მასწავლა

მსუბუქი დესერტი - გემრიელობა ლიმონის კრემით

აღმოსავლური ტკბილეული მხოლოდ 15 წუთში: გაგრილებაზე დრო არ ჩათვალოთ

შოკოლადს ყინულის ფორმაში ვასხამ: კანფეტი ალუბლით და თხილით

ნაზი ტორტი ცხობის გარეშე: მინიმუმი ძალისხმევით მაქსიმუმი სიამოვნება

ნაზი, როგორც ღრუბელი - იაპონური ფუნთუშა „ჰოკაიდო“