ასეთ ტორტს ყოველთვის ვამზადებ.

ინგრედიენტები:

40 გრ ჟელატინი

120 მლ წყალი

700 გრ ხაჭო

200 მლ სქელი არაჟანი

150 გრ შაქარი

ვანილი გემოვნებით

1 დიდი ფორთოხლის ნაჭერი

150 გრ ორცხობილა

მომზადება:

ჟელატინი ჭიქაში ჩაყარეთ და ძალიან ცხელი წყალი დაასხით, კარგად გახსენით, გააჩერეთ.

ცალკე თასში ხაჭო, არაჟანი, ვანილი და შაქრის ფხვნილი აურიეთ და დააბლენდერეთ. სქელი არაჟანი გამოიყენეთ.

სურვილის შემთხვევაში, შეგიძლიათ მზა ხაჭოს მასა გამოიყენოთ. ასეთ შემთხვევაში შაქარი და ვანილი აღარ დაამატოთ.

ფორთოხალი გაასუფთავეთ, დაჭერით და თესლი გამოიღეთ, თეთრი ნაწილი მოაშორეთ.

გაგრილებულ ჟელატინს აურიეთ და მზა ხაჭოს მასა დაუმატეთ. კარგად აურიეთ. კექსის სილიკონის ფორმაში ხაჭოს მასის მცირე ნაწილი ჩაასხით და ფორთოხლის ნაჭრები მოაყარეთ.

ხაჭოს მასის მეორე ფენა დაასხით, ზემოდან ისევ ფორთოხალი მოაყარეთ. მესამე ფენა მოასხით და დაქუცმაცებული ორცხობილა მოაყარეთ. შემდეგ კვლავ ხაჭო, შემდეგ ორცხობილა.

ბოლო ფენა ხაჭოს კრემი, ფორმა შეანჟღრიეთ, რომ მასა თანაბრად გადანაწილდეს. მაცივარში 2-3 საათით გააჩერეთ.

ფორმა გადმოაბრუნეთ და სუფრაზე გაიტანეთ. ძალიან ლამაზი და გემრიელი დესერტი გამოგივათ, რომელიც სადღესასწაულო მაგიდას დაამშვენებს.

ასევე დაგაინტერესებთ:

ბიუჯეტური და ძალიან გემრიელი წასახემსებელი სადღესასწაულო სუფრაზე

ნაზი, როგორც ღრუბელი - იაპონური ფუნთუშა „ჰოკაიდო“

ჩვენი ოჯახის საყვარელი ნამცხვარი ხაჭო-ვაშლის შიგთავსით

დიეტური ვაშლის ნამცხვარი ფქვილის გარეშე - თუნდაც ყოველდღე მიირთვით

ყველა დღესასწაულზე ვამზადებ დესერტს, რომელსაც „ჩიტის რძის“ დიდ კანფეტს ვუწოდებ

5 გემრიელი და სასარგებლო დესერტი გრამი შაქრის გარეშე