ცნობილი მწერალ-ფანტასტის და ამ ჟანრში, უამრავი წიგნის ავტორის, აიზეკ აზიმოვის (Isaac Asimov) წინასწარმეტყველება, რომელიც ერთი მეორის მიყოლებით ხდება, თავის დროზე, შოკში აგდებს მსოფლიო საზოგადოებას.

შორეულ, 1964 წელს, ნიუ-იორკში უახლესი ტექნოლოგიების მსოფლიო გამოფენა ჩატარდა და The New York Times–ის ჟურნალისტები მწერლის აზრით დაინტერესდნენ, მომავლის ტექნოლოგიებთან დაკავშირებით.

ხოლო იმან, რაც მაშინ მწერალმა თქვა, ირგვლივ მყოფების ღიმილი გამოიწვია. საინტერესო იქნებოდა, მათი რეაქცია ახლა, როდესაც ის ყველაფერი, მართლა არსებობს...

1. სმარტფონი

აიზეკ აზიმოვმა იწინასწარმეტყველა, რომ ტელეფონი პორტატიული გახდებოდა. მას ექნებოდა ეკრანი. ხოლო, ხელოვნური თანამგზავრის მეშვეობით, აბონენტი, პლანეტის ნებისმიერ წერტილში, კავშირის განხორციელებას შეძლებდა. ასევე მან აღნიშნა, რომ მომავალში, ადამიანი ტელეფონის ეკრანზე დაინახავდა იმას, ვისაც იმ მომენტში, ესაუბრებოდა და მისი გამოყენება, სურათების გადასაღებად და წიგნის წასაკითხადაც იქნებოდა შესაძლებელი.

მწერლის თქმით, მომავალში სურათივით ტელევიზორები იქნებოდა და მას კედელზე ჩამოკიდებდნენ.

მან ასევე აღნიშნა, რომ მომავალში, კინო მოცულობითი გახდებოდა. ისეთივე იქნებოდა, როგორიც თეატრი არის და მისი ნახვის შესაძლებლობა, როგორც კინოთეატრებში, ისე ჩვეულებრივ ტელევიზორებში იქნებოდა შესაძლებელი.

აზიმოვი ამბობდა, რომ მთელი ტექნიკა ტაიმერებით იქნებოდა აღჭურვილი და დროის ათვლა მოხდებოდა, მაგ., კერძის ან ყავის მომზადებამდე.

საყინულეები სავსე იქნება ნახევრად მომზადებული კერძებით, რომლებსაც გააცხელებენ, სრულფასოვანი სადილის ან ვახშმის მოსამზადებლად. მაგრამ, კულინარია არ გაქრება და სამზარეულოს მომავალშიც გამოიყენებენ.

მწერალმა იწინასწარმეტყველა, რომ მომავალში, თითქმის მთელი ტექნიკა, სადენების გარეშე იმუშავებდა.

მისი თქმით, კომპიუტერი იმდენად გავრცელდებოდა, რომ სასწავლო პროგრამის ნაწილი გახდებოდა. ხოლო, სპეციალური პროგრამებით აღჭურვილი რობოტები, ადამიანების ნაცვლად იმუშავებდნენ.

ფანტასტს არ უწინასწარმეტყველია, რომ ადამიანები მარსზე ჩავიდოდნენ. მაგრამ, მან თქვა, რომ ჩვენს ნაცვლად წითელ პლანეტას მანქანები გამოიკვლევდნენ და ამ შემთხვევაშიც, მართალი აღმოჩნდა.

იმ დროს, მზის ბატარეებს მხოლოდ კოსმოსურ ტექნოლოგიებში მოიხმარდნენ და მწერალმა, რა თქმა უნდა, ამის შესახებ იცოდა. სავარაუდოდ, სწორედ ამ ინფორმაციაზე დაყრდნობით, განაცხადა, რომ მომავალში აუცილებლად იქნებოდა ელექტროსადგურები, რომლებიც მთლიანად მზის ენერგიის პანელებით იქნებოდა აღჭურვილი.

მისივე თქმით, მომავალში იარსებებდა ინფორმაციის უძირო საცავი, რომლიდანაც ინფორმაციის მიღებას, სპეციალური ქსელური კავშირების გამოყენებით, ნებისმიერი ადამიანი შეძლებდა.

არის ისეთი წინასწარმეტყველება, რომელიც ჯერ არ ამხდარა ან შეიძლება ითქვას, რომ ნაწილობრივ ახდა. მაგ., მიწისქვეშა ქალაქების და მფრინავი ავტოტრანსპორტის არსებობა. თუმცა, ეს მხოლოდ ჯერ-ჯერობით...

არხის სხვა სიახლეები:

* "წითელი ტერორი" და პარალელები ჩვენს რეალობასთან

* იგავი: ვირებს ნუ ეკამათები!

* სამყარო ოპტიმისტებს ეკუთვნით, პესიმისტები კი, მხოლოდ მაყურებლები არიან – ბრძნული ციტატები ბედნიერებაზე

* რა საფრთხე გელით თუ საკმარისად არ გძინავთ?