თანამედროვე ადამიანის ცხოვრება მარადიულ რბოლას ჰგავს: მუდმივად სადმე წასვლას ვჩქარობთ, ბევრ ყავას ვსვამთ, ვნერვიულობთ და, რა თქმა უნდა, გვაწუხებს უძილობა. უმეტესობა ჩვენგანმა კარგად იცის, რომ ძილის ნაკლებობა ნეგატიურად მოქმედებს ორგანიზმზე, ასუსტებს მას და ზრდის დაინფიცირების რისკს იმუნიტეტის შემცირების გამო, მაგრამ უძილობა მაინც არ ჩერდება.

თუ დაძინება გიჭირთ და ცოტა ხნით გძინავთ, ვახშამზე მიირთვით ამ სასწაული პროდუქტიდან ერთ–ერთი და ბავშვივით ტკბილად დაიძინებთ.

1. შვრიის ფაფა

ბევრი მას აღიქვამს სასაუზმო პროდუქტად, მაგრამ სინამდვილეში, ბევრი სასარგებლო საკვები ნივთიერების გარდა შეიცავს ძილის ჰორმონს მელატონინს, ამიტომ შესანიშნავი დამხმარე იქნება მათთვის, ვისაც სჭირდება ადრე ადგომა და სათანადო დასვენება.

2. ბანანი

მინერალების ეს წყარო დაგეხმარებათ დაისვენოთ საღამოს ამინომჟავა ტრიპტოფანის წყალობით, რომელიც აუცილებელია რელაქსაციისთვის. თუმცა ბანანის ჭამასა და დაძინებას შორის მინიმუმ 1 საათი შუალედი უნდა იყოს.

3. ნუში

ნუში შეიცავს ცილებს, მაგნიუმს და ტრიპტოფანს, რომელიც ამ პროდუქტს ხდის იდეალურ ხემსად საღამოს. კარგი ძილისთვის 1 მუჭა კაკალი ან 1 სუფრის კოვზი ნუშის ზეთი საკმარისია.

4. ალუბალი

ალუბალი შეიცავს დიდი რაოდენობით მელატონინს, რის გამოც ერთი მუჭა კენკა საკმარისია ჯანსაღი ძილისთვის. თუ ალუბლის წვენს სვამთ, აირჩიეთ უშაქრო ვარიანტი.

5. რძე

თუ გსურთ ძილის გაუმჯობესება ბუნებრივად, რძე დალიეთ. რძე შეიცავს არა მხოლოდ კალციუმს, არამედ პროტეინს და ტრიპტოფანს. თუ რძე არ გიყვართ, იოგურტით ან ხაჭოთი ჩაანაცვლეთ.

6. კვერცხი

ერთი მოხარშული კვერცხი დაძინებას დააჩქარებს. კვერცხში შემავალი ცილა კარგ ძილს უზრუნველყოფს.

7. ჰუმუსი

ჰუმუსი მცენარეული ცილების წყალობით იდეალურია გვიან წასახემსებლად და დაძინებაში დაგეხმარებათ.

8. თევზი

თინუსი, პალტუსი და კრევეტი არა მხოლოდ B6 ვიტამინით მდიდარია, არამედ შეიცავს ტრიპტოფანს, რომელიც მონაწილეობს სეროტონინის და მელატონინის გამომუშავებაში, რაც აუცილებელია ხარისხიანი ძილისთვის.

9. მცენარეული ჩაი

ფინჯანი მწვანე ჩაი შეგიძლიათ დალიოთ სრულფასოვანი ძილისთვის. უკეთესია, თუ მის შემადგენლობაში იქნება გვირილა, ლიმონი და პასიფლორა.

10. თაფლი

თაფლი შეიცავს გლუკოზას, რომელიც გვეხმარება დაძინებაში. გარდა ამისა, თაფლი შეგიძლიათ მიირთვათ ცალკე პროდუქტად, ასევე მცენარეული ჩაის კომპონენტად.

ასევე დაგაინტერესებთ:

იცით, რატომ ვიძინებთ გვიან? – ფსიქოლოგის განმარტება

5 მიზეზი, რატომ არ შეიძლება ჩართულ ტელევიზორთან ჩაძინება

იცით თუ არა, რომ ჭამის შემდეგ ძილიანობა ჯანმრთელობის სერიოზული პრობლემის ნიშანია?

თქვენ მოგდით ნერწყვი როცა გძინავთ? თუ კი, იღბლიანი ხართ!

არა უძილობას! უნიკალური მეთოდი 4–7–8 დაგეხმარებათ დაიძინოთ სულ რაღაც ერთ წუთში