ჩვენ შეიძლება განსხვავებული დამოკიდებულება გვქონდეს სოციალური ქსელების და ინტერნეტის სხვა სიკეთის მიმართ, მაგრამ უმეტესობამ არ იცის, რა არის მემები და სმაილები.

აი, მსახიობ კილიან მერფს წარმოდგენა არ აქვს, რომ მის შესახებ ვირუსული ისტორიები ინტერნეტში ვრცელდება, ვერ ერკვევა ემოჯების მნიშვნელობაში და, როგორც ჩანს, წარმოდგენა არ აქვს, რა არის ტიკტოკი. ამასთან სრულიად ბედნიერად გამოიყურება.

კილიანი ბავშვობაში მსახიობობაზე საერთოდ არ ოცნებობდა

მერფი დარწმუნებული არ იყო, რის გაკეთება სურდა, როცა გაიზრდებოდა, მაგრამ ერთი რამ ზუსტად იცოდა: მასწავლებელი არ გახდებოდა. დედამისი ფრანგულის მასწავლებელი იყო, ხოლო მამა მოსწავლეებს მათემატიკას და ირლანდიურ ენას ასწავლიდა.

ზოგიერთი ბიძა და დეიდაც განათლების სისტემაში იყო ჩართული. კილიანი არ იყო რთული ბავშვი და კარგად სწავლობდა, მაგრამ გაკვეთილების შემდეგ ყოველთვის ელოდა დამატებითი მომზადება მშობლებთან. სწორედ ამიტომ, სწავლა სწრაფად მობეზრდა.

სამაგიეროდ, კილიანი მუსიკით გატაცებული იყო. გიტარაზე დაკვრამ და სიმღერების წერამ გადაარჩინა მოსაწყენი სწავლისა და მისი ზეწოლისგან, რომელსაც სკოლაში გრძნობდა. უმცროს ძმასთან, პაიდთან ერთად ჯგუფიც კი შექმნა.

ერთმა მუსიკალურმა კომპანიამ მათ შესთავაზა კონტრაქტი 5 ალბომის გამოშვებაზე, მაგრამ რადგან პაიდი არასრულწლოვანი იყო და სკოლაში სწავლობდა, მერფის მშობლებზე თანხმობაზე უარი თქვეს. ახლა კილიანი ბედნიერია, რომ ყველაფერი ასე მოხდა. მუსიკალური ბიზნესი მკაცრია და მერფი დარწმუნებულია, რომ ის და პაიდი სწრაფად გადაიწვებოდნენ.

მთელი ცხოვრების სიყვარული თეატრში იპოვა

კილიანი თეატრით 16-17 წლის ასაკში დაინტერესდა. მშობლების რჩევით სკოლის შემდეგ იურიდიულ ფაკულტეტზე ჩააბარა, მაგრამ სწავლა სწრაფად მობეზრდა და სასწავლებელი მიატოვა. დაახლოებით იმავე პერიოდში შესთავაზეს როლი სპექტაკლში „დისკო ღორები“ პროფესიულ თეატრში.

სპექტაკლი მხოლოდ 4 თვე უნდა გაგრძელებულიყო, მაგრამ მოულოდნელად ნამდვილი ჰიტი გახდა. დასი ჯერ ედინბურგში თამაშობდა, შემდეგ ლონდონში გადავიდა, შემდეგ მსოფლიო ტურნეზე წავიდა.

თეატრთან ერთად გასტროლებზე წავიდა მხატვარი ივონ მაკგინესიც. მოგვიანებით მერფი აღიარებს, რომ ის ტური მისი ცხოვრების ყველაზე მნიშვნელოვანი ეტაპი იყო. სწორედ მაშინ გაიცნო ადამიანები, რომლებიც დღემდე მისი საუკეთესო მეგობრები არიან და მაშინ შეუყვარდა ივონი. კილიანი დარწმუნებულია, რომ მეუღლის მხარდაჭერის გარეშე სამსახიობო კარიერაში ასეთ სიმაღლეებს ვერ მიაღწევდა.

ახალგაზრდები 2004 წელს დაქორწინდნენ. მომდევნო წელს მერფიმ ითამაშა დრამაში „ქარი, რომელიც ქერს არხევს“. მსახიობი ამ ფილმს იხსენებს განსაკუთრებული სინაზით, რადგან გადაღებები ირლანდიაში მიმდინარეობდა, ამიტომ ოჯახთან დიდი დროს ატარებდა. ივონი ორსულად იყო და თავისუფალ დროს კორკის ბორცვებზე ერთად დასეირნობდნენ. 2005 წელს წყვილს შეეძინა პირმშო, მალაქია, 2 წლის შემდეგ – მეორე ვაჟი, არანი.

არასოდეს უოცნებია დიდებაზე და ეუხერხულება მისი ხელფასი

კილიანს არასოდეს ესმოდა მის მიმართ გაზრდილი ინტერესის. ცდილობს პირად ცხოვრებაზე ნაკლები ილაპარაკოს. მსახიობი მზადაა ინტერვიუს დროს განიხილოს შემოქმედება, ფილმები, წიგნები, ნებისმიერი რამ, ოღონდ არა მისი და მისი ოჯახის პირადი ცხოვრება. ის და მისი ცოლი საჯაროდ იშვიათად ჩნდებიან, მათი ერთობლივი ფოტოები თითზე ჩამოსათვლელია. თავისუფალ დროს მერფი ჩვეულებრივ ცხოვრებას უპირატესობას ანიჭებს, მაღაზიებში დადის, ძაღლს ასეირნებს, ცოლთან ერთად ამზადებს, შვილებთან ერთად დროს ატარებს.

ფანებთან საკმაოდ მეგობრულია, მაგრამ ვერ იტანს, როცა უცნობი ფოტოს გადაღებას ცდილობს. კილიანი თვლის, რომ ეს მისი პირადი სივრცის უხეში დარღვევაა. საერთოდ, თუ საზოგადოებას ბევრი რამ ეცოდინება ნამდვილ მერფიზე, მის სამსახიობო თამაშში სრულად ჩაძირვას ვერ შეძლებენ. მაყურებელს ხომ უნდა აინტერესებდეს მისი პერსონაჟები და არა თავად კილიანი.

მერფის უეხერხულება მისი მაღალი ჰონორარი. არ მალავს, რომ საქმისთვის დიდი თანხის მიღება სასიამოვნოა და თავს იღბლიანად თვლის. მაგრამ სხვები, რომლებიც უფრო მნიშვნელოვან საქმეს აკეთებენ, ექიმები, ექთნები, მასწავლებლები, ასეთი შემოსავლით ვერ დაიკვეხნიან. ფიქრობს, რომ ეს უსამართლოა.

მერფიმ და მისმა ოჯახმა ლონდონიდან გაქცევა არჩიეს

კილიანი და ივონი 14 წელზე მეტი ხნის განმავლობაში ცხოვრობდნენ ლონდონში, აქ დაიბადნენ მათი შვილები. 2015 წელს ოჯახმა ირლანდიაში დაბრუნება გადაწყვიტა. მსახიობი აღიარებს, რომ მთავარი მიზეზი მათი შვილები იყვნენ. მერფის ლონდონში ცხოვრება მოსწონს და კინობიზნესიდან გაქცევას არ ცდილობდა.

უბრალოდ სურდა, მისი შვილები ირლანდიელებად გაზრდილიყვნენ და როცა შენიშნა, რომ მათ ლამაზი ბრიტანული აქცენტი ჰქონდათ, მიხვდა, რომ სახლში დაბრუნების დრო იყო. მით უფრო, რომ კილიანის მშობლებმა მიაღწიეს იმ ასაკს, როცა შვილის და რძლის დახმარება არ აწყენდათ.

ირლანდიაში მათ სახლში ინტერნეტი გაყვანილი არაა. მერფის თქმით, მისი შვილები ამით არ იტანჯებიან. მისი თქმით, თანამედროვე ბავშვებს ისედაც უჭირთ ცვალებად სამყაროში გაზრდა, ხოლო გლობალური ქსელი ამ პროცესს არ ამარტივებს. თავისუფალ დროს მისი შვილები ფილმებს უყურებენ.

ამავდროულად, მამის სამსახიობო საქმიანობა საერთოდ არ მოსწონთ. კილიანს უხარია, რომ შვილები მისი პროფესიის მიმართ გატაცებას და აღფრთოვანებას არ გრძნობენ. მთელი ეს აჟიოტაჟი კინემატოგრაფიულ სამყაროში სისულელეა.

მსგავსი დამოკიდებულება აქვს კილიანს სოციალური ქსელების მიმართ. მას არც ერთ სოციალურ ქსელში ანგარიში არ ჰქონია. მერფი ვერ ხედავს ამაში აზრს და მის მიმართ ყურადღებას გაურბის. თვლის, რომ საკუთარ თავზე ბევრი ლაპარაკი სირცხვილია.

ცდილობს, იყოს მოკრძალებული, თუმცა ეს ყოველთვის არ გამოსდის. ახლახანს რობერტ დაუნი უმცროსმა ინტერნეტში ატვირთა ერთი ვიდეო ღონისძიებიდან. მსახიობმა ტელეფონით ყველა დამსწრეს გადაუღო და როცა კილიანთან მივიდა, მან ისე, რომ ღიმილი არ შეუწყვეტია, კამერას ხელისგული დააფარა.

ერთ–ერთ ინტერვიუზე მერფის ჰკითხეს, ნანახი აქვს თუ არა მისი ცნობილი მემე „გულგატეხილი კილიანი“. მსახიობმა სიხარულით აღიარა, რომ ასეთი ბედნიერება არასდროს ჰქონია და საერთოდ არ იცის, რა არის მემე. ადრე თქვა, რომ არ იცის რას ნიშნავს უცნაური გამოთქმა OMG და არასდროს იყენებს ემოჯებს. მართალია, მერფი საერთოდ არ გამოიყურება დამწუხრებული ინტერნეტის ჰიტებსა და ტრენდებში უცოდინრობის გამო.

ასევე დაგაინტერესებთ:

1. ისე, როგორც უბრალო მოკვდავები: საინტერესო ფაქტები ცნობილების შესახებ, რაც შეიძლება არ იცოდეთ

2. მერილ სტრიპი: "არ მყოფნის მოთმინება მათზე, ვინც არ იმსახურებს ჩემს მოთმინებას"

3. საიდუმლო, რომელსაც კლინტ ისტვუდს 30 წელი უმალავდნენ

4. ბრედლი კუპერმა გაამხილა, რატომ ცხოვრობს დედასთან ერთად - გულისამაჩუყებელი ისტორია

5. ადამ სენდლერი ყოველ დედის დღეზე ჯენიფერ ენისტონს ყვავილებს ჩუქნის - მიზეზი გულისამაჩუყებელია

6. სანდრამ ბულოკმა აღიარა, რომ ბავშვის კანს სახის ახალგაზრდობისთვის იყენებს

7. ოდრი ჰეპბერნის სიტყვები, რომლებიც ყველა ქალმა უნდა მოისმინოს

8. ერთი კითხვა, რომელმაც ალკოჰოლიკი, ურწმუნო ენტონი ჰოპკინსი ქრისტიანი გახადა

9. 10 მაგარი ხრიკი კინოდან, რომელიც მყისვე ამარტივებს ჩვენს ცხოვრებას

10. სტივენ კინგმა დაასახელა თავისი საყვარელი სერიალი და ის ჰორორის ჟანრში არაა

უფრო მეტი იხილეთ აქ: Yoona-ს არხი