ამ სკანდინავიელი ლამაზმანის სახელი შეიძლება არ გეცნოთ, მაგრამ დახვეწილი ლედის ნაკვთებში აუცილებლად ამოიცნობთ მის ქალიშვილს, უმა თურმანს. ნენა ფონ შლებრიუგე ძალიან ცნობილი მოდელი იყო 60–იან წლებში, ხოლო მისი ლამაზი სახე არაერთხელ გამოჩნდა ჟურნალებში Vogue და Harper's Bazaar.

1941 წელს მეხიკოში შვედი ბირგიტ ჰოლმკვისტის და გერმანელი არისტოკრატის ფრიდრიხ კარლ ფონ შლებრიუგეს ოჯახში დაიბადა ქალიშვილი, ბრიჯიტ კაროლინი.

ქალიშვილმა დედისგან მემკვიდრეობით მიიღო უჩვეულო გარეგნობა, ხოლო მამისგან – არისტოკრატული ხიბლი.

ნენას დედა, ბირგიტ ჰოლმკვისტი, ახალგაზრდობაში ნუდის სტილში პოზირებდა ცნობილ მოქანდაკესთან აქსელ ებთან ქანდაკებისთვის "ჩახუტება", რომელიც შიშველ დივას ასახავდა. 1930 წლის ეს პატივსაცემი ქანდაკება დღესაც ხვდება გემებს სკანდინავიის ნახევარკუნძულის ყველაზე სამხრეთ წერტილში მდებარე პატარა პორტში.

1955 წელს ცნობილი ფოტოგრაფი ნორმან პარკინსონი, რომელიც Vogue–ში მუშაობდა, მივლინებით სტოკჰოლმში გაემგზავრა. იქ 14 წლის ნენა დაინახა. ეს შეხვედრა ახალგაზრდა ლამაზმანის სამოდელო კარიერის დასაწყისი გახდა. სულ რაღაც 2 წლის შემდეგ ნენა ლონდონში გადავიდა საცხოვრებლად, სადაც მაღალი მოდის სამყაროში სერიოზულად დაიწყო მუშაობა.

გოგონას განსაცვიფრებელი წარმატება ელოდა – ახალგაზრდას მაშინვე შესთავაზეს კონტრაქტი ნიუ–იორკში მდებარე სამოდელო სააგენტო Ford-თან.

ნენამ სიამოვნებით მიიღო შეთავაზება და სხვა კონტინენტზე გაემგზავრა. იქ ელოდა თანამშრომლობა Vogue-თან და Harper’s Bazaar-თან. ფოტოებს უღებდნენ იმ დროის საუკეთესო ფოტოგრაფები – რიჩარდ ავედონი, უილიამ კლიანი, ბერტ შტერნი და უკვე ნახსენები ნორმან პარკინსონი.

ფოტოგრაფებმა განავითარეს მისი არისტოკრატია, დახვეწილობა, ხიბლი და ანდობდნენ პოზირებას ყველაზე თვალწარმტაც კოსტიუმებსა და სასახლის ინტერიერებში, რომლებშიც ნენა გამოიყურებოდა ორგანულად და ბუნებრივად, როგორც შეეფერება ნამდვილ არისტოკრატს.

ნენას დახვეწილი სილამაზე ბევრი ფოტოგრაფის და მხატვრის შთაგონების წყარო გახდა. ამბობენ, რომ გოგონა გახდა დიდი სალვადორ დალის მუზა, რომელმაც 1963 წელს უკვე ცნობილი ლამაზმანი გააცნო ფსიქიატრს ტიმოთი ლირის, რომელიც ცნობილი გახდა ნერვულ სისტემაზე ფსიქოდელიური საშუალებების მოქმედების სფეროში მუშაობით.

სულ რაღაც 1 წლის შემდეგ ტიმოთი და ნენა დაქორწინდნენ მილიარდერ უილიამ ჰიჩკოკის სასახლეში, მილბრუკში. ეს საკმაოდ უჩვეულო საქორწილო ცერემონია დი ეი პენებეკერმა გადაიღო.

ტიმოთი ლირისთან ქორწინება მხოლოდ 1 წელი გაგრძელდა. 1965 წელს ნენამ განქორწინება მოითხოვა. 2 წლის შემდეგ დაქორწინდა უფრო ექსტრავაგანტულ მამაკაცზე, რობერტ თურმანზე. ნენას ქმარი გახდა პირველი ამერიკელი, რომელიც ბუდისტ ბერად აკურთხა პირადად დალაი ლამამ.

ეს იყო ზეციდან ნაკურთხი ქორწილი, ერთმანეთს შეერწყა ორი ჰარმონიული სული, რომლებიც დღემდე მშვიდობით და ჰარმონიით ცხოვრობენ და სხვებს ღვთაებრივ სინათლეს უზიარებენ. მალე წყვილს შეეძინა პირმშო, განდენი.

ჯამში, ნენას რობერტ თურმანისგან ოთხი შვილი ჰყავს, მათ შორის ცნობილი მსახიობი უმა თურმანი, რომელიც დედას ძალიან ჰგავს.

უმა 1970 წელს დაიბადა. მისი სახელი ნიშნავს "ნეტარების მომცემს". მაშინ ნენამ გადაწყვიტა სამოდელო კარიერის დასრულება და ოჯახზე გადართვა. გარდა ამისა, იმდენად განიმსჭვალა ქმრის იდეებით, რომ შტატებში ბუდიზმის აქტიური პოპულარიზაცია დაიწყო და სერტიფიცირებული ფსიქოლოგიც გახდა.

დღეს ნენა ტიბეტური მედიცინის ცენტრის Menla Mountain Retreat-ის აღმასრულებელი დირექტორია და ამაყობს თავისი ნიჭიერი და წარმატებული შვილებით, რომელთა უნიკალური სახელებიც უკავშირდება ძველ ბუდისტურ ფილოსოფიას – განდენი, უმა, დეჩენი, მიფამი. დღემდე არისტოკრატულად ლამაზი და უბრალოდ ბედნიერი ქალია.