ევროპელ ოფიციალურ პირებს სთხოვენ აქამდე მიღებული დრეს-კოდის უგულებელყოფას ენერგიის დაზოგვის მიზნით.

ევროპაში ჩინოვნიკებს ელექტროენერგიის დაზოგვის მიზნით უფლება მიეცათ უგულებელყონ საოფისე ჩაცმულობის ოფიციალური დრეს-კოდი. ამის შესახებ იუწყება გამოცემა Politico.

დეპარტამენტების თანამშრომლების ელფოსტაზე მისული მითითების თანახმად, ამ ზამთარში ჩინოვნიკებს სთხოვეს სამუშაოზე თბილი ტანსაცმლით გამოცხადდნენ, რადგან ევროკავშირის ორგანოების შენობების ოფისები მხოლოდ 19 გრადუსამდე გათბება.

„რა თქმა უნდა, დაბალი ტემპერატურის კომპენსაციის მიზნით ინდივიდუალური ელექტრო გამათბობლების გამოყენებაზე საუბარი არცაა. ამის ნაცვლად, იფიქრეთ სამუშაოზე დამატებით, სვიტრის ჩაცმაზე. ნუ დაიმორცხვებთ და ატარეთ ის ოფიციალურ შეხვედრებზეც, ენერგეტიკის საკითხი უფრო მნიშვნელოვანია ვიდრე ჩვენი ტრადიციული ჩაცმულობის კოდი“, - ნათქვამია წერილში.

ამავდროულად, ზამთარში ზოგიერთი შენობა მხოლოდ 14-16 გრადუსამდე გათბება, მომავალ ზაფხულს კიდევ, თუ არაფერი შეიცვლა კონდიციონერები გამოირთვება.

მანამდე ელექტროენერგიის ეკონომიის მიზნით, საფრანგეთის პრეზიდენტმა მაგალითი მისცა მოქალაქეებს და ჩვეულებრივი ხალათის ნაცვლად პირველად ჩაიცვა ე. წ. "როლინგი".

შეგახსენებთ, რომ ევროპაში ენერგეტიკული კრიზისი მას შემდეგ დაიწყო, როცა რუსეთმა მასზე დაწესებული სანქციების საპასუხოდ მკვეთრად შეზღუდა გაზის მიწოდება ევროკავშირში.