საშუალო სტატისტიკური ხელფასით მაქსიმალური ოდენობის ბენზინის შეძენა შესაძლებელია ლუქსემბურგში, სადაც საწვავის ფასი შედარებით დაბალია, ხოლო მოსახლეობის შემოსავალი ერთ-ერთი ყველაზე მაღალია ევროპაში, ხოლო ყველაზე დაბალი მაჩვენებელია უკრაინაში, სადაც საწვავის ფასებთან შედარებით მცირეა შემოსავალი .

გამოქვეყნდა ევროპის 32 ქვეყნის საშუალო თვიური ხელფასით ბენზინის მსყიდველთუნარიანობის რეიტინგი, (შენიშვნა: რეიტინგში არაა ჩვენი ქვეყანა და რატომღაც არის ერთი აზიური სახელმწიფო-ყაზახეთი)

მაშა ასე, როგორც ზემოთ ავღნიშნეთ, აბსოლუტური ჩემპიონი გახდა ბენზინის ხელმისაწვდომობის თვალსაზრისით, ლუქსემბურგი, სადაც შეგიძლიათ შეიძინოთ თითქმის 2, 6 ათასი ლიტრი საწვავი საშუალო თვიური ხელფასით. მეორე ადგილზეა ნორვეგია 2.4 ათასი ლიტრით. პირველ ხუთეულში ასევე მოხვდნენ ავსტრია, დიდი ბრიტანეთი და ირლანდია, რომელთა მაცხოვრებლებს საშუალო თვიური ხელფასით 1, 9 ათას ლიტრზე მეტის შეძენა შეუძლიათ.

ნიდერლანდები მე-7 ადგილზე, შეუძლიათ 1, 8 ათასი ლიტრის ყიდვა, მაგრამ ამავე დროს იგივე ნიდერლანდებში ყველაზე ძვირია ბენზინი-1 ლიტრის ფასი 2.19 აშშ$-ია.რაც შეეხება დიზელის საწვავს, ყველაზე ძვირი ღირს შვედეთში 1 ლიტრის ფასი 1.96 აშშ $-ია.

რაც შეეხება ყოფილს საბჭოთა ქვეყნებს, ყველაზე კარგი პოზიცია უკავია რუსეთს, -მე-16 ადგილი, ამ ქვეყნის მოქალაქეს შეუძლიათ შეიძინონ თვეში 1000 ლიტრი ბენზინი, რომლის ფასი 0.66 აშშ დოლარია.მას მოჰყვება ყაზახეთი-შესაბამისად 958 ლიტრი, რომლის ფასი 0.46 დოლარია.

როგორც მოგახსენეთ უკანასკნელი ადგილი უკავია უკრაინას-ამ ქვეყნების მოქალაქეებს საშუალო თვიური ხელფასით შეუძლიათ შეიძინონ 379 ლიტრი საწვავი, რომლის ფასიც 1.08 აშშ- დოლარია.