ჟურნალისტი ელისო კილაძე სოციალური ქსელის მეშვეობით ავრცელებს პოსტს სადაც საუბრობს ადამიანზე, რომელმაც იგი სოციალური პლატფორმის ე.წ. მეგობრული სიიდან წაშალა, მიზეზად კი ამას ასახელებს : " ვერ გავიგე ეს ქალი ხან მიშისტია, ხან შსს-სტი და ხანაც ქოციო."

ამის საპასუხოდ კი, ელისო კილაძე წერს, რომ იგი თავისუფალი ადამიანია და სამართლიანად იქცევა და რომ იგი მისი თქმით, "არავისტია".

გთავაზობთ სრულ "პოსტს":

"ერთმა აჟიტირებულმა ფრენდკამ დამბლოკა-ვერ გავიგე ეს ქალი ხან მიშისტია, ხან შსს-სტი და ხანაც ქოციო. ასეთებისთვის კიდევ ერთხელ, განმვმარტავ -არავისტი არ ვარ, გარდა ჩემი პროფესიისა და სამშობლოსი. მიშას რაც შეეხება, ვთვლი რომ ის უკანონო პოლიტპატიმარია და მისი ციხეში ყოფნა არის ქვეყნის სირცხვილი. მე თავისუფალი ადამიანი ვარ და ვიქცევი ისე როგორც საჭიროდ და სამართლიანად მიმაჩნია! აქვე ვაზუსტებ-ვთვლი რომ ქოცობა უნდა დასრულდეს ამ ქვეყანაში, 2013 წლიდან ამ პოზიციაზე ვარ, მეგონა რომ ოპოზიცია ამას შეძლებდა, ვეხმარებოდი რაც შემეძლო, მაგრამ ახლა ასე აღარ მგონია!"