"ტაბულას" დამფუძნებელი სოციალური პლატფორმის მეშვეობით ეხმაურება ირაკლი ღარიბაშვილის გამოსვლას უკრაინის დამოუკიდებლობის დღესთან დაკავშირებით.

მოგეხსენებათ, უკრაინაში დღეს, 24 აგვისტოს ომის პირობებში დამოუკიდებლობის დღე აღინიშნება.

"დამოუკიდებლობის დღეს ვულოცავ უკრაინას! ომის ამ მძიმე პერიოდში უკრაინასა და უკრაინელ ხალხს მშვიდობასა და კეთილდღეობას ვუსურვებთ!", - წერს ღარიბაშვილი ტვიტერზე.

რაც შეეხება თამარ ჩერგოლეიშვილს, იგი წერს:

"ღარიბაშვილი უკრაინას გამარჯვებას ვერ უსურვებდა, იმიტომ რომ უკრაინის გამარჯვება ივანიშვილის რეჟიმის დამარცხებას ნიშნავს.

იქ, სადაც “ამერიკა ომში გვითრევს”, ომი მშვიდობაა.

ამიტომ, თავის ენაზე ზუსტად ის უსურვა, რასაც გულისხმობდა - რუსეთის მონობაში, რუსეთის პოლიგონად დარჩენა.

ომისთვის გაწირვაა ღარიბაშვილის მშვიდობა."