"დღე არ გადის, რომ ვინმემ არ მთხოვოს საზღვარგარეთ სამსახურის შოვნა" - პაატა ბურჭულაძე
ქართველი ოპერის მომღერალი პაატა ბურჭულაძე სოციალური პლატფორმის მეშვეობით ეხმაურება ჟურნალისტ ვახო სანაიას.
ვახო სანაია მის "ფეისბუქ" გვერდზე წერს:
"კიდევ ერთხელ ვიკითხავ.
თქვენი წრიდან - ოჯახი, სანათესავო, სამეგობრო, სამსახური, სამეზობლო - წელს როგორი მდგომარეობაა?
რამდენად ხშირია საზღვარგარეთ წასვლის შემთხვევა?"
როგორც უკვე ვახსენე, მის "პოსტს" პაატა ბურჭულაძე ეხმაურება, რომელიც აცხადებს, რომ უამრავი ადამიანი ითხოვს საზღვარგარეთ წასვლასა და ფონდ "იავნანასაც" მიმართავენ დასახმარებლად.
"სამწუხაროდ დღე არ გადის, რომ ფეისბუკზე ვინმემ არ მთხოვოს საზღვარგარეთ სამსახურის შოვნა.
ოჯახებით უნდათ წასვლა. იმაზე არაფერს ვიძახი თუ რამდენი აქ დარჩენილი თხოვს ფონდ იავნანას დახმარებას, ძირითადათ ბავშვების გამოსაკვებად.
კატასტროფული ვითარებაა საქართველოში."- წერს პაატა ბურჭულაძე.
