ჟურნალისტი მირანდა ბაღათურია საუბრობს განვლილ ერთ წელზე და ამბობს, რომ საკმაოდ მძიმე პერიოდი გაიარა.

მისი თქმით, ჟურნალისტი ლექსო ლაშქარავას გარდაცვალების შემდეგ, იგი ამ პროფესიიდან - ჟურნალისტობიდან გარკვეული ვადით წამოვიდა.

იგი ასევე ხაზს უსვამს იმ ფაქტს, რომ ჟურნალისტებს აქვთ განცდა იმისა, რომ როდესაც ისინი პროფესიულ მოვალეობას ასრულებენ, შესაძლოა კვლავ გახდნენ ძალადობის მსხვერპლნი.

გთავაზობთ განცხადებას:

"ძალიან მძიმე წელი იყო ჩემთვის, იმდენად მძიმე, რომ მომიწია ტაიმაუტის აღება ამ პროფესიაში.

მძიმე წელი იყო იმიტომ, რომ ლექსო აღარ არის ცოცხალი და მძიმე წელი იყო იმიტომ, რომ ერთი წლის თავზეც ჩვენ ყველას, იმ ადამიანებს, ვინც იქ ვიყავით და ვასრულებდით ჩვენს პროფესიულ მოვალეობას და სხვა ჟურნალისტებსაც გაგვიჩნდა განცდა, რომ ჩვენ ქუჩაში ჩვენი მიკროფონებით შესაძლებელია ისევ გავხდეთ ძალადობის მსხვერპლი", - ამბობს მირანდა ბაღათურია.