შალვა ნათელაშვილი საქართველოს პრეზიდენტის წლიურ მოხსენებას სოციალურ ქსელში ეხმაურება:

"ვუყურებ ახლა სალომე ზურაბიშვილის საპარლამენტო გამოსვლას და ესაა დედალი ბიძინა ივანიშვილი. არც მეტი არც ნაკლები".

შეგახსენებთ, რომ 14 მარტს, საქართველოს პრეზიდენტი სალომე ზურაბიშვილი პარლამენტში მოხსენებით წარსდგა. პრეზიდენტ სალომე ზურაბიშვილის განცხადებით, დღეს ოპოზიციაც და ხელისუფლებაც სცოდავს ქვეყნის წინაშე. ამ თემაზე მან პარლამენტში სიტყვით გამოსვლის დროს ისაუბრა და თქვა, რომ უმრავლესობა თანხმობის ძიების ნაცვლად ყველას, ვინც მას არ ეთანხმება მოღალატედ ან "ომის პარტიად" ნათლავს. ოპოზიციაზე კი მან აღნიშნა, რომ ხელისუფლების ნებისმიერ განცხადებას, თუ გადაწყვეტილებას უაპელაციოდ პრორუსულად აცხადებს.