ლობიოს შეუძლია წინ აღუდგეს დიაბეტს და ონკოლოგიურ დაავადებას-მეცნიერების დასკვნა

სასარგებლო პროდუქტები

2021, 9 დეკემბერი, 17:23

ზოგიერთი ადამიანი არც თუ იშვიათად ერიდება ლობიოს საკუთარ რაციონში შეტანას შებერილობის გამო, მაგრამ პროდუქტს აქვს საოცარი თვისებები, რომლებიც ეხმარება კიბოს და დიაბეტის წინააღმდეგ ბრძოლას, იტყობინება ტაივანური გამოცემა Food News.

ეს პროდუქტი ორგანიზმისთვის მცენარეული ცილის საუკეთესო წყაროა და იმსახურებს ყურადღებას მათგან, ვინც უარი თქვა ხორცზე ან სურს შეამციროს მისი რაოდენობა რაციონში.

ლობიო ასევე მდიდარია ფოლიუმის მჟავით, რომელიც სხვა არაფერია თუ არა ვიტამინი B9, რომელსაც ორგანიზმი იყენებს სისხლის წითელი უჯრედების წარმოებისთვის და ძალზე მნიშვნელოვანია ორსულობის ადრეულ პერიოდში.

ლობიოს ასევე შეუძლია ებრძოლოს სიმსუქნეს - ეს არის დაბალკალორიული საკვები, ბოჭკოთი და პროტეინებით მდიდარი, რომელიც დიდი ხნის განმავლობაში გინარჩუნებთ დანაყრების შეგრძნებას, რაც იწვევს დაუგეგმავ კვების შემცირებას და წონის დაკლებას.

ლობიოში შემავალი ფოლიუმის მჟავა, მაგნიუმი და ბოჭკოვანა ხელს უწყობს თქვენი გულის სიჯანსაღეს. ბოჭკოვანა ასევე ანელებს სისხლში შაქრის შეწოვის სიჩქარეს და არეგულირებს შაქრის დონეს, თავად ლობიოს კი დაბალი ჰიპოგლიკემიური ინდექსი აქვს.

ლობიო შეიცავს მნიშვნელოვან რაოდენობას ანტიოქსიდანტებს, რომლებიც იცავს ჯანსაღ უჯრედებს დაზიანებისა და ანთებისგან, რაც ქრონიკული დაავადებების, მათ შორის კიბოს, ერთ-ერთი მთავარი გამომწვევი მიზეზია.

ლობიოს სამშობლოა ცენტრალური და სამხრეთი ამერიკაა. ჩვეულებრივი ლობიო ამერიკიდან ევროპაში შემოიტანეს XVI საუკუნეში.არსებობა მისი 150-მდე ჯიში. რუსეთში მისი მოყვანა XVIII საუკუნის დამდეგიდან დაიწყეს. დასავლეთ საქართველოში, კერძოდ, გურიასა და სამეგრელოში ლობიო XVI საუკუნიდანაა კულტივირებული. აღმოსავლეთ საქართველოში უფრო მოგვიანებით გავრცელდა. ლობიოს საქართველოში უკავია — 11, 3 ათასი ჰა ფართობი (1979), იგი სამარცვლე პარკოსანთა შორის პირველ ადგილზეა. მაღალმთიანი ზონის გარდა ყველგან მოჰყავთ. დარაიონებული ჯიშებია: წითელი, ინდური, ლიახვი, ჩიტიკვერცხა, ბერპი, ცანავა — 3 და სხვა. ლობიოს ყველაზე მეტად აზიანებენ ლობიოსა და ბარდის მემარცვლიები; დაავადებიდან ანთრაკნოზი და ბაქტერიოზი.